Luke 9:39 - Lakota Portions

³⁹ Wak̇aƞ-ṡic̄a waƞ kaṡkayuziƞ na ognahelaka ṡna ṡic̄ahowaiyayiƞ na mak̇ata iḣpeyiƞ na natiptipkiye na ionaṫaḣṫuƞ sʹa.

Luke 9:39 Referans Kwoze

Luke 8:29

Le heye ṡnihaƞni iṫokabya Jesus wak̇aƞ-ṡic̄a ki kiṡic̄e ċa heuƞ heye. Wak̇aƞ-ṡic̄a ki ṫehaƞ kaṡkayuze. Wiċaṡa eya maza uƞ kaṡka egnakapi ki iglupsake. Wak̇aƞ-ṡic̄a ki lena wiċaṡa le mak̇oṡic̄a ekta naṗekiyapi.

Luke 4:35

Jesus wak̇aƞ-ṡic̄a ki lekiyiƞ na yainila, “Inila yaƞkiƞ na wiċaṡa ki le ayuṡtaƞ yo!” ekiye. Yuƞk̇aƞ wak̇aƞ-ṡic̄a ki wiċaṡa ki le makikc̄eya iḣpeyiƞ na uƞṫuƞye ṡni wiċaṡa ki le etaƞhaƞ kinaṗe.

Mark 9:26

Ċa wak̇aƞ-ṡica ki ċeya iyaye, na ehake hokṡila ki lila ċaƞċaƞye na hehaƞl etaƞ glinaṗe. Hokṡila ki ṡkaƞṡkaƞ ṡni ḣpaya ċa tokinaṡ tʹa keċiƞpi, na oyate ki “tʹelo,” eyapi.

Mark 9:20

Ċa hokṡila ki Jesus el ahipi. Wak̇an ṡiċa ki Jesus wanyaƞka hehaƞ hokṡila ki le kul iḣpeye, yunk̇an ataya nagwagwakin na i onataḣtunya ḣpaya ċa Jesus wanyanke.

1 Peter 5:8

Ohiƞniya waktaya opiiċ'iyayo. Waƞji ṫokaniye ki he, wak̇aƞṡiċa ki e, he igmuƞ ṫaƞka ċa hoṫaƞgya hotuƞ omani, tuwa anasnatiƞ kta ole.

Mark 9:18

“Tohaƞl le wak̇aƞ-ṡica ki le hokṡila ki ahiṫakpa ċaƞna k̇ul iḣpeye, ċaƞna ṫaġe ki hiyu welo. Na hi ki aglatʹiƞza ċaƞna ataya ṫaċaƞ ki nawotʹiƞye yelo. Na le nihakab-uƞpi ki lena owiċawakiyakelo, eyaṡ takuni okihipi ṡni yelo.”

Luke 9:38

Owiċota etaƞhaƞ, wiċaṡa waƞ hoṫaƞiƞ, “Wauƞspekiya, uƞṡimala na miċiƞkṡi asnimic̄iċiya yo. He ec̄elaḣc̄i bluha yelo.

Luke 9:40

Ihakab-uƞpi ki hena owiċawakiyake kʹeyaṡ okiyapi okihipi ṡni yelo,” eye.