Luke 9:2 - Lakota Portions

² Na Wak̇aƞṫaƞka wokiċuƞze ṫawa ki oyakapi kta, na wayazaƞkapi ki asniwiċayapi kta, iyayewiċaye.

Luke 9:2 Referans Kwoze

Luke 10:9

Na wayazaƞpi hena asniwiċayapo, na oyate hel uƞpi hena hewiċakiyapo, “Wak̇aƞṫaƞka ṫawokiċuƞze ki aohaƞ hi yelo.”

Luke 9:11

Oyate ki slolyapi na ihakab iyayapi; yuƞk̇aƞ iyuṡkiƞya wiċakiċo na Wak̇aƞṫaƞka ṫawokiċuƞze ki he owiċakiyake na tona asniwiċayapi ċiƞpi ki hena asniwiċaye.

Mark 6:12

Ho ċa iyayapi na oyate ki wowaḣtani etaƞhaƞl igluḣeyab wiċaṡi omanipi.

Luke 16:16

“John mniawiċakaṡtaƞ ṡnihaƞni iṫokabya oyate ki Moses ṫawooṗe na wiċaṡa-wak̇aƞ-waayaṫaƞiƞ ṫawowapi hena ognayaƞ uƞpi. Eyaṡ woṫaƞiƞ-waṡte oyakapi hetaƞhaƞ tuwe iyuha maḣpiya wokiċuƞze oṗapi kteḣc̄iƞ.

Luke 10:11

Waċetʹuƞyaglapi heuƞ oṫuƞwahe ki le etaƞhaƞ uƞkinaṗapi kihaƞ haƞpa uƞglatatapi kte. Eyaṡ kiksuyapo, Wak̇aƞṫaƞka ṫawokiċuƞze ki aohaƞ yauƞpelo.

Mark 16:15

Hewiċakiye, “Mak̇a ki le ataya iyayapi na tuktel wiċaṡa uƞpi ki hena Wak̇aƞṫaƞka ṫawoksape wak̇aƞ ki lena uƞspewiċakiyapo.

Luke 10:1

Taku ki lena iyohakab, Iṫaċaƞ ki ake wiċaṡa wikc̄emna ṡakowiƞ sam ak̄e nupa wiċakaḣniġe, he oṫuƞwahe eċekċe hena el kaiṫokab numnum iyayewiċaye.