Luke 8:41 - Lakota Portions

⁴¹ Hehaƞl wiċaṡa waƞ Jairus ec̄iyapi ċa hihuƞni. Omnic̄iye-tipi iṫaċaƞ heċa. Jesus iṫokabya ċaƞkpemak̇agleya hinajiƞ na ti ekta Jesus kiċo.

Luke 8:41 Referans Kwoze

Luke 13:14

Wiċaṡa waƞ omnic̄iye-tipi awaƞyaƞke ki he Jesus aƞpetu wak̇aƞ eċuƞhaƞ waasniye ki he waƞyaƞke na aċaƞzeke. Ċa wiċaṡa ki oyate ki hewiċakiye, “Oko waƞji el aƞpetu ṡakpe wowaṡi eċuƞpi kta ċa yaƞke, aƞpetu tukte waƞji e kʹeyaṡ upi na woasniye ic̄upo, eyaṡ aƞpetu wak̇aƞ ki he yuonihaƞpo.”

Luke 8:49

Jesus nahaƞḣc̄i woglake eċuƞhaƞ, wahoṡiya waƞ hihuƞni na Jairus okiyake, “Niċuƞkṡi tʹe yelo, hehaƞ wauƞspekiye ki naġiyeye ṡni yo!” eye.

Luke 17:16

Jesus iṫokabya ṗamagle inajiƞ na wopila ekiye. Wiċaṡa ki le Samaria hetaƞhaƞ.

Luke 5:8

Simon Peter le waƞyaƞke hehaƞ, Jesus iṫokab ċaƞkpemak̇agleya najiƞ na hekiye, “Iṫaċaƞ, mikiyela u ṡni yo, wiċaṡa waḣtanipi sʹa hemaċa yelo,” eye.

Luke 8:42

Ċuƞwiƞtku waƞ waniyetu ak̄e nupa ċa wana tʹiƞ kta ikiyela na le ec̄ela ċuƞwiƞtku yuha. Jesus etkiya ye ki eċuƞhaƞ oyate ki paokiyuṫapi.