Luke 8:28 - Lakota Portions

²⁸ Wiċaṡa ki le Jesus waƞyaƞkiƞ na tʹehowaya hoṫaƞiƞ, “Jesus maḣpiya ekta Wak̇aƞṫaƞka-Ċiƞhiƞtku! Tokel mayakuwa kta hwo? Kakiṡmaye ṡni yo,” ċec̄iċiye.

Luke 8:28 Referans Kwoze

2 Peter 2:4

Wak̇aƞṫaƞka ogligle wak̇aƞ kʹeya waḣtanipi kʹuƞ hena uƞṡiwiċala ṡni. Hena wiċapaḣtiƞ na wotakuƞni ṡni waƞ oiyokpasya he ki heċiya oiḣpewiċaye, heċiya wiċayasupi ṡni hehaƞyaƞ uƞpi kte

James 2:19

Wak̇aƞṫaƞka waƞjila ki he wiċayala. He waṡte. Eyaṡ wak̇aƞṡiċapi hena ekeyaṡ iƞṡʹeya heċel wiċalapi, na k̇okiṗapi uƞ ċaƞċaƞpi.

Luke 8:27

Jesus wata etaƞhaƞ glic̄u, yuƞk̇aƞ oṫuƞwahe etaƞhaƞ wiċaṡa waƞ ataye, wiċaṡa ki le wak̇aƞ-ṡic̄a ki kaṡkayuze. Wiċaṡa ki ṫehaƞ heċel tiwanilya haċola uƞ na owiċaḣe ohaƞ iglonilya uƞ.

Luke 8:29

Le heye ṡnihaƞni iṫokabya Jesus wak̇aƞ-ṡic̄a ki kiṡic̄e ċa heuƞ heye. Wak̇aƞ-ṡic̄a ki ṫehaƞ kaṡkayuze. Wiċaṡa eya maza uƞ kaṡka egnakapi ki iglupsake. Wak̇aƞ-ṡic̄a ki lena wiċaṡa le mak̇oṡic̄a ekta naṗekiyapi.