Luke 8:14 - Lakota Portions

¹⁴ Na oyate eya woṫaƞiƞ-waṡte naḣʹuƞpi eyaṡ mak̇a akaƞ wiyutaƞpi hena su eya waṗeṗe ohaƞ hiƞḣpaye iyeċec̄api.

Luke 8:14 Referans Kwoze

1 Timothy 6:17

Mak̇a wowijiċa ki oyate eya el uƞpi ki hena iwaktawiċayayo, mak̇a akaƞl wijiliċ'iyapi na itaƞpi ki hena taku iyuha tok̇aṡniyaƞ gnuƞnipi okihipi. Wak̇aƞṫaƞka wiċalawiċaṡiyo, wowijiċe ki hena ṫawa na taku uƞkikaġipi ki hena uƞkʹupi kte heċel wiċoni le el iyuṡkiƞya uƞkʹuƞpi kte.

Mark 4:19

tk̇a le wiċoni ṡic̄e, wijic̄a waṡtelakapi, na taku iyuha ċiƞpi sʹa, uƞ ok̇aƞpi ṡni na wooyake kʹuƞ he akaḣpeya ahiyupi, na etaƞhaƞ uƞ takuni suṫuƞ ṡni.

Luke 21:34

Na Jesus ṫawauƞspewiċakiyapi ki nakuƞ leċel owiċakiyake, “Wak̇aƞṫaƞka etkiya taƞyaƞ wiyukc̄aƞpo na taku wilukc̄aƞpi ki niyuṡic̄api kte ki waktapo. Itomniicʹiyapi na ṡic̄aya waeċuƞpi ṡni yo. Na waluhapi kte ki ec̄ela ikaġiicʹiyapi ṡni yo. Heċanupi ki aƞpetu waƞji el waku ki wamayaktapi kte ṡni yelo.

Luke 8:7

Na huƞḣ waṗeṗe ohaƞ hiƞḣpayiƞ na oṗeya iċaġe, eyaṡ haƞkeya waṗeṗe ki yutakuniṡni.

2 Timothy 4:10

Demas eċa mak̇a el wowiyutaƞye ki hena waṡtelakiƞ na hena amayuṡtaƞ na Thessalonica oṫuƞwahe takiya iyayelo. Crescens eċa Galatiatakiya iyaye, na Titus iƞṡ Dalmatia takiya iyaye.

Luke 16:13

“Wowaṡi ki he iṫaċaƞ num wiċayuha okihi ṡni yelo. Iṫaċaƞpi ki he uƞmala ohola na wowaṡi ekic̄iċuƞ okihi. Wak̇aƞṫaƞka ṫawowaṡi ki he mak̇a akaƞ awamnaicʹiyapi ki he naiƞṡ maḣpiya wokiċuƞze hena nupiƞyaƞ awaċiƞ naiƞṡ yuwaƞka yuza okihi ṡni yelo. Wak̇aƞṫaƞka na taku mak̇a akaƞ woeċuƞ ki nupiƞyaƞ wilagnicʹiyapi kta oyakihipi ṡni yelo,” eye.

Luke 8:13

Na su eya mak̇a suta na iƞyaƞ ohaƞ iċaġe hena oyate eya woṫaƞiƞ-waṡte naḣʹuƞpi na iyuṡkiƞya ic̄upi eyaṡ wokaḣniġe ṫawapi ki iyehaƞyaƞ mahetuya ṡni ċa wowic̄ala ki akataƞhaƞ iċaġe. Wokakije ohaƞ nipi na haƞkeya aicʹigluṡtaƞpi.

Luke 8:15

Na su eya owoju waṡte el hiƞḣpaye ki hena oyate eya woṫaƞiƞ-waṡte ki naḣʹuƞpi na ċaƞlwaṡteya na owoṫaƞla ċaƞteokignakapi. Lena sutaya manipi na wiċoni waṡte ṫawapi.