Luke 7:16 - Lakota Portions

¹⁶ Tuwe ki iyuha iyuṡʹiƞyayapi na Wak̇aƞṫaƞka yataƞpi na heyapi, “Wiċaṡa-wak̇aƞ-waayaṫaƞiƞ eya oteḣikapi kʹuƞ waƞji uƞkʹuƞpi oṗaya uƞ welo! Wak̇aƞṫaƞka ṫaoyate el wiċahi yelo,” eyapi.

Luke 7:16 Referans Kwoze

Luke 7:39

Pharisee ki le waƞyaƞke na iṡnaiyukc̄aƞ, “Le wiċaṡa ki wokc̄aƞ wiċaṡa heċaḣc̄a haƞtaƞṡ, le taku wiƞyaƞ ċa epaṫaƞ ki slolyiƞ kta tk̇a yelo,” eċiƞ.

Luke 1:68

“Wak̇aƞṫaƞka yataƞpo! Wana ṫaoyate hena wiċakiyuṡkiƞ kta uƞ hi yelo.

Luke 5:26

Tuwe ki iyuha inihaƞpi heuƞ ċaƞċaƞpi na Wak̇aƞṫaƞka yataƞpi. “Aƞpetu ki le taku eċuƞ pic̄a ṡni eya waƞuƞyaƞkapelo,” eyapi.

Luke 2:20

Ṫaḣc̄a-ṡuƞkala-awaƞyaƞke ki kawiƞḣya kiglapi hehaƞ taku naḣʹuƞpi na waƞyaƞkapi ki lena uƞ Wak̇aƞṫaƞka yaonihaƞpi. Ogligle ki woyake waƞ hena iyuha iyeċetu welo.

Luke 1:65

Okṡaƞ tipi ki le waƞyaƞkapi na lila wak̇okiṗapi. Le woyake ki Judea okṡaƞ yaoṫaƞiƞpi.

Luke 24:19

Jesus ake iwiċayuƞġe, “Taku tok̇a hwo?” eye. Leċel ayuptapi, “Jesus Nazareth oṫuƞwahe etaƞhaƞ wiċaṡa-wak̇aƞ-waayaṫaƞiƞ heċa na waṡʹagya wauƞspewiċakiya. Wak̇aƞya waeċuƞ na Wak̇aƞṫaƞka e na oyate ki tohaƞyaƞ okihika yuwaƞka yuzapi.

Luke 9:19

Yuƞk̇aƞ leċel ayuptapi, “Huƞḣ John Mniawiċakaṡtaƞ waƞ he eċa ake gli keyapi na huƞḣ iƞṡ Elijah niye keyapi na huƞḣ iƞṡ wiċaṡa-wak̇aƞ-waayaṫaƞiƞ tʹapi waƞ he waƞji ċa ake kini keyapi.”

Luke 8:37

Oyate ohomni tipi waƞ hena wak̇okiṗapi uƞ Jesus gle ṡipi. Ċa Jesus wata ogna kigliƞ kta inajiƞ.

Luke 5:8

Simon Peter le waƞyaƞke hehaƞ, Jesus iṫokab ċaƞkpemak̇agleya najiƞ na hekiye, “Iṫaċaƞ, mikiyela u ṡni yo, wiċaṡa waḣtanipi sʹa hemaċa yelo,” eye.

Luke 19:44

Oṫuƞwahe ki taƞyela nic̄ajujupi kte na niṫaoyate ki niċiƞc̄api ki oġeya nic̄asotapi ktelo. Wak̇aƞṫaƞka taƞyaƞ uƞniċiyapi ċiƞ eyaṡ Wanikiye ki wic̄ayalapi ṡni heuƞ oteḣike ki lena waƞlakapi ktelo.”

Luke 7:15

Yuƞk̇aƞ wiċatʹa waƞ he woslal-iyotakiƞ na waƞc̄agna woglake. Jesus hokṡila ki le hektakiya huƞku ki kiċu.