Luke 6:30 - Lakota Portions

³⁰ Wiċaṡa waƞji taku nic̄ila haƞtaƞṡ eċel kʹu wo. Na hetaƞ taku leċel yaglusote he hektakiya kiċa ṡni yo.

Luke 6:30 Referans Kwoze

Luke 18:22

Jesus le naḣʹuƞ hehaƞ heye, “Taku waƞ ehake eċanu ktelo. Waluha ki hena iyuha wiyoṗekiya yo. Na iyayiƞ na mazaska ki uƞṡike ki wiċakʹu wo. Hel ogna Wak̇aƞṫaƞka ṫawokiċuƞze ekta wijic̄a yauƞ ktelo. Na hehaƞl hiyu na mihakab uƞ wo,” eye.

Luke 12:33

Waluhapi hena wiyoṗekiyapi na uƞṡikapi ki lena mazaska ki wiċakʹupo. Wak̇aƞṫaƞka taku iyotaƞla ki hena eċa tekiḣilapo. Maḣpiyata wowaṡte ki lena ojuha ċa tohaƞni okuke ṡni ċa ognakapi iyeċec̄a. Ho na maḣpiyata wamanu-wiċaṡa wanic̄api ċa wowaṡte ki lena tuweni animanu kte ṡni na kimimila ki otebyapi okihipi kte ṡni yelo.

Luke 11:41

Niṫawaċiƞpi ki eċa yagluwaṡtepi haƞtaƞṡ niṫoḣʹaƞpi ki nakuƞ waṡte ktelo.

Luke 6:38

Wawiċayakʹupi hena hektakiya isamṗaya waƞyeglakapi ktelo. Oyate ki taƞyaƞ kiċaƞwiċayayapi ki he niṡ-eya iyeċel waƞyeglakapi ktelo,” eye.

Ephesians 4:28

Wamayanuƞ sʹa tk̇'a eyaṡ hehaƞyaƞ wamanu ṡni yo. Owoṫaƞla uƞ na temniya wowaṡi eċanuƞ kte, heċel oyate eya taku iyuċaƞpi kʹuƞ hena takuƞl wiċayakʹu oyakihi kte.

Luke 6:31

Taƞyaƞ niċuwapi yaċiƞ he iyeċel tuwe keyaṡ taƞyaƞwiċakuwapo.