Luke 6:27 - Lakota Portions

²⁷ “Waeṗe ki lena anamaġoptaƞpo, tuwe keyaṡ leċel eċic̄iyapi waċiƞ yelo; tuwa waḣtenilapiṡni eṡa hena uƞṡiwiċalapo.

Luke 6:27 Referans Kwoze

1 Thessalonians 5:15

Oyate ki waḣtenilapi ṡni ki heuƞ niṡʹeya heċel ċaƞte wiċaluzapi kte ṡni. Eṡʹeyaṡ, ċaƞte waṡteya opiniċ'iyapi na tuwe ki iyuha ob taƞyaƞ yauƞpi kte.

Luke 6:35

Ṫokaniyapi hena ċaƞteowiċagnakapo. Taku owiċayakʹupi hena hektakiya wakiktapi ṡni yo. Heċel wokaiju ṫaƞka luhapi ktelo, heċel Wak̇aƞṫaƞka ṫaoyate heniċapi ktelo. Eċiƞ Wak̇aƞṫaƞka oyate eya wauƞṡilapi ṡni na wopila yuhapi ṡni eyaṡ uƞṡiwiċalake.

Mark 4:24

Nakuƞ leċel ewiċakiye: “ Taku nayaḣʹuƞpi ki hena anaġoptanpo! Wooṗe kʹeya un tuwe wiċalasupi ki hena Wak̇aƞṫaƞka inṡʹeya un niyasupi kta na iyeṡ lila suta ktelo.

Luke 23:34

Jesus heye, “Ate, awiċakic̄iktuƞja yo, waeċuƞpi ki le akiblezapi ṡni yelo.” Akiċita ki akiċiṡkatapi tuwa ṫahayapi yuha kte ki heuƞ.

Luke 8:18

“Heuƞ taƞyaƞ anaġoptaƞpo! Tuwa wokaḣniġe awaċiƞ na ognayaƞ uƞwaċiƞ haƞtaƞṡ he isam Wak̇aƞṫaƞka ṫawokiċuƞze ki he wokaḣniġe yuhakiyiƞ ktelo. Eyaṡ tuwa wokaḣniġe ki le yuha keċiƞ eyaṡ awaċiƞ ṡni haƞtaƞṡ wokaḣniġe yuha keċiƞ le e kʹeyaṡ gnuni ktelo,” eye.

Luke 8:15

Na su eya owoju waṡte el hiƞḣpaye ki hena oyate eya woṫaƞiƞ-waṡte ki naḣʹuƞpi na ċaƞlwaṡteya na owoṫaƞla ċaƞteokignakapi. Lena sutaya manipi na wiċoni waṡte ṫawapi.

Luke 8:8

Owoju-su uƞma ki iyuha mak̇a waṡte el hiƞḣpaye, lena e taƞyaƞ iċaġiƞ na etaƞhaƞ suṫuƞ na igluota,” eye. Jesus leċel eyaṡtaƞ, “Ċa le anaġoptaƞpo!” eye.

Luke 6:22

“Wiċaṡa-Ċiƞkṡitku ki ṫaƞtaƞhaƞ niyaṡiċapi na iniḣaḣapi na ok̇olaicʹiyapi hetaƞhaƞ iḣpeniyapi eyaṡ Wak̇aƞṫaƞka niyawaṡte ktelo.