Luke 5:17 - Lakota Portions

¹⁷ Aƞpetu waƞ el Jesus wauƞspewiċakiye yuƞk̇aƞ Pharisees eya e na Moses ṫawooṗe awaƞyaƞkapi eya ohaƞ timahel yaƞkapi. Lena Galilee mak̇oċe el oṫuƞwahe iyuha etaƞhaƞ ahi na Judea na Jerusalem etaƞhaƞ nakuƞ ahi. Wak̇aƞṫaƞka Jesus waapiyiƞ kta uƞ wowaṡʹake kʹu.

Luke 5:17 Referans Kwoze

Luke 6:19

Jesus wak̇aƞya waeċuƞ ki he oyate ki waƞyaƞkapi na iƞṡ-eya ewiċakaḣtaka ċiƞpi.

Luke 8:46

“Tuwa emakaṫaƞ ċa miṫawowaṡʹake iyaye ki slolwakiyelo,” Jesus eye.

Mark 7:1

Pharisees eya epi na wooṗe ogna wauƞspewiċakiye eya Jerusalem etaƞhaƞ Jesus el hipi na okṡaƞ igluwitapi.

Mark 5:30

Waƞċagna, Jesus ṫawowaṡʹake ki huƞḣ iyaye ki slolkiye. Jesus iwiċayuƞġe, “Tuwe ċa miṫaogle ki epaṫaƞ hwo?” eye.

Luke 2:46

Aƞpetu yamni wahehaƞlya Tipi-Wak̇aƞ itimahel wauƞspewiċakiyapi ki ohaƞ waanaġoptaƞ na iwiċayuƞḣ yaƞke iyekiyapi.

Luke 15:2

Ċaƞke Moses-ṫawooṗe-awaƞyaƞkapi ki e na Pharisees waƞ hena iyokipipi ṡni na heyapi, “Wiċaṡa ki le waḣtanipi sʹa ob wotelo.”

Luke 7:30

Eyaṡ Pharisees na wooṗe awaƞyaƞkapi waƞ hena e Wak̇aƞṫaƞka ṫogya waċiƞkiyuzapi na John mniawiċakaṡtaƞ kte ki he ċiƞpi ṡni.

Luke 5:30

Pharisees ki e na Moses-ṫawooṗe-awaƞyaƞkapi waƞ hena Jesus ihakab-uƞpi ki iwiċayuƞġapi, “Takuwe lena ob wayatapi hwo? Waḣpa-wokaiju-pahipi na waḣtanipi sʹa heċapelo,” eyapi.

Luke 5:21

Moses-ṫawooṗe-awaƞyaƞkapi na Pharisees waƞ hena iglepi, “Jesus wak̇aƞicʹila yelo, Wak̇aƞṫaƞka ec̄ela heċuƞ okihi yelo,” eyapi.

Mark 16:18

Zuzeċa waƞji eyuṫaƞpi naiƞṡ taku ṡiċa yatkaƞpi eyaṡ itok̇api kte ṡni. Lena nape ki wayazaƞ waƞji eyuṫaƞpi ki akisnipi kte.”

Mark 3:22

Jerusalem taƞhaƞ wooṗe ogna wauƞspewiċakiye eya hipi, na heyapi, “Beelzebul wak̇aƞ-ṡic̄a iṫaċaƞ ki he Jesus ṫaƞmahel uƞ ċa he eċa Jesus wowaṡʹake kʹu. Heuƞ ċa wak̇aƞ ṡic̄a ki kaṫaƞkal iyewiċaya okihi.”

Mark 1:45

Eyaṡ wiċaṡa ki le ataya yaoṫaƞiƞ omani. Ċa Jesus paokiyuṫapi sʹa heuƞ oṫuƞwahe hel ṫaƞiƞicʹiya okihi ṡni na ehaṡ manilopiicʹiye. Okṡaƞtaƞhaƞ oyate ki el ahi yelo.