Luke 4:41 - Lakota Portions

⁴¹ Oyate ota wak̇aƞ-ṡic̄a ki kaṡkawiċayuze waƞ hena nakuƞ asniwiċaye. “Wak̇aƞṫaƞka-Ċiƞhiƞtku niye yelo!” eya wak̇aƞ-ṡic̄a ki hoṫaƞgya wiċaṡa etaƞhaƞ ahinaṗe. Messiah e ki slolyapi ċa yainila-iḣpewiċaye.

Luke 4:41 Referans Kwoze

Mark 1:34

Ho, hel Jesus tona kujapi ki hena asniwiċaye, huƞḣ ṫaƞmahel wak̇aƞ ṡic̄a uƞpi ċa hena k̇o asniwiċaye. Jesus le tuwe ki slolyapi ċa wak̇aƞ ṡic̄a ki lena taku eyapi kte ki Jesus iyowiƞwiċakiye ṡni.

James 2:19

Wak̇aƞṫaƞka waƞjila ki he wiċayala. He waṡte. Eyaṡ wak̇aƞṡiċapi hena ekeyaṡ iƞṡʹeya heċel wiċalapi, na k̇okiṗapi uƞ ċaƞċaƞpi.

Mark 3:11

Na wak̇aƞ-ṡic̄a ṫaƞmahel uƞpi ki eċa Jesus waƞyaƞkapi na iḣpeicʹiyapi na tʹehowaiyayapi, “Wak̇aƞṫaƞka-Ċiƞc̄a ki le e!”

Mark 1:25

Ho ċa, Jesus wak̇aƞ-ṡic̄a ki leċel eċuƞṡi, “Inila yaƞka yo, na wiċaṡa ki le etaƞhaƞ glinaṗa yo,” ekiye.

Mark 1:32

Ḣtayetu na wi ki mahel iyaye ki walehaƞl, oyate ki okṡaƞtaƞhaƞ kujapi ki wiċaglohipi, na huƞḣ ṫaƞmahel wak̇aƞ ṡic̄a uƞpi.

Luke 4:39

Yuƞk̇aƞ Jesus wiƞyaƞ waƞ wayazaƞke ki he el inajiƞ na ṫaċaƞ k̇ata woyazaƞ ki he waƞc̄agna ḣabye. Kikta hiyayiƞ na wowiċakʹu.