Luke 3:1 - Lakota Portions

¹ Mak̇asitomniya-Yataƞpi ki Tiberius ec̄iyapi ċa waniyetu ak̄e ṡakpe ikiyela oiṫaċaƞyapi. Iyoḣlate Pontius Pilate he Judea mak̇oċe el oiṫaċaƞ heċa. Na Herod Antipas iƞṡ Galilee mak̇oċe el oiṫaċaƞ heċa. He suƞkaya waƞ Philip ec̄iyapi ċa iƞṡ-eya mak̇opaṡpe eya Iturea na Trachonitis henauƞs oiṫaċaƞ. Lysanias he iyeċeḣc̄i Abilene mak̇opaṡpe el oiṫaċaƞ.

Luke 3:1 Referans Kwoze

Luke 2:1

Wahehaƞl, Mak̇asitomniya-Yataƞpi Augustus, mak̇a akaƞ oyate ki iyuha, wiċayawapi ċiƞ yelo.

Luke 23:24

Ċa Jesus ktepi kte ki he yuṡtaƞ.

Luke 9:7

Taku eċuƞpi ki owasʹiƞ, Herod wiċaṡa-yataƞpi ki naḣʹuƞ, na tokel iyukc̄aƞ kta ṡni, huƞḣ oyakapi na John wiċuƞtʹe ki etaƞhaƞ kini keyapi.

Luke 3:19

Herod Antipas oiṫaċaƞ ki suƞkaku ṫawic̄u Herodias he ena yuze na taku ota iċiḣmeya ṡkaƞ, ċa John iyoṗeye.

Mark 6:17

Herod iyuƞk̇ala John oyuspewiċakiya tk̇a, na paḣtewiċakiyiƞ na owiċakaṡke tipiṫawa ki tima iyayewiċakiye. Herod suƞkaku Philip ṫawicu ki Herodias eċiyapi. Herod eċa winyaƞ ki le yuze.

Mark 6:21

Kit̄aƞḣc̄i Herodias taku ċiƞ ki iyeċetu. Herod ṫuƞpi aƞpetu eċuƞhaƞ, Galilee etaƞhaƞ oyate iṫaċaƞ ki na akiċita iṫaċaƞ ki na wiċaṡa waƞkatuya hena wolwiċakiye wiċakic̄o.

Luke 13:31

Wahehaƞlya Pharisees eya Jesus el hipi na hekiyapi, “Letaƞhaƞ ḣeyab iyaya yo, Herod nikte ċiƞ yelo.”