11 Eyaṡ wiƞyaƞ ki woyakapi ki lena ċetʹuƞwiċaglapi.
Nahaƞ Mary Jesus waƞyaƞka keya owiċakiyake eyaṡ Mary ċetʹuƞglapi.
Ċa Jesus hewiċakiye, “Ataṡ waayablezapi ṡni yelo. Wak̇aƞṫaƞka wiċaṡa-wak̇aƞ-waayaṫaƞiƞ ṫawa ki taku onic̄iyakapi ki nahaƞḣc̄i ċetʹuƞwiċayaglapelo.
Lena kipi na uƞma ki owiċakiyapi eyaṡ ċetʹuƞwiċaglapi.
Ehake ki he Jesus ihakab-uƞpi ake waƞjipi ċa wiċiṫokab ṫaƞiƞicʹiye na iyoṗewiċaye iċiƞ wowiċala yuhapi ṡni na iċiƞ nakuƞ lila nuġe waniċapi ki heuƞ tuwa Jesus waƞyaƞke eyaṡ hena wiċak̇ewiċalapi ṡni
Woċetʹuƞgla eyaṡ wiyuṡkiƞ sam-iyayapi. Iwiċayuƞġe, “Takuƞl yul pic̄a luhapi hwo?” eye.
