Luke 23:27 - Lakota Portions

²⁷ Wiċota Jesus ihakab uƞpi. Wiƞyaƞ huƞḣ ihakab ċeya uƞpi.

Luke 23:27 Referans Kwoze

Luke 8:52

Tuwe ki iyuha wiċiƞc̄ala ki oweċeyapi. Eyaṡ Jesus heye, “Ċeyapi ṡni yo, wak̇aƞyeja ki le tʹeḣc̄e ṡni eyaṡ ikc̄eya iṡtime yelo,” eye.

Luke 8:2

Nakuƞ wiƞyaƞ eya huƞḣ wak̇aƞ-ṡic̄a kaṡkawiċayuze na huƞḣ wiċokuje ṡikṡic̄a etaƞhaƞ Jesus apiwiċaye ċa lena oṗapi. Waƞji Mary Magdalene ec̄iyapi. Hektakiya watohaƞl he wak̇aƞ-ṡic̄a ṡakowiƞ kaṡkayuzapi eyaṡ Jesus kiyuṡke.

Mark 15:40

Hel kaiyuzeya wiƞyaƞ eya waƞyaƞg najiƞpi. Najiƞpi ki hel waƞji Mary Magdalene heċiyapi ċa oṗa, he ċiƞċa ki Joseph, e na Salome, e na hakakta waƞ James eċiyapi, ċa hena Mary ki ċiƞċa.

Luke 23:55

Wiƞyaƞ eya Galilee mak̇oċe etaƞhaƞ Jesus ihakab hipi hena eċa Joseph tuktel Jesus ṫaċaƞ ki eyuƞpe ki ihakab waƞyaƞg ipi.

Luke 23:28

Jesus awiċableziƞ na hewiċakiye, “Owemaċeyapi ṡni yo. Eyaṡ niye na niċiƞc̄api ki eċa owewiċaċeyapo.