Luke 19:8 - Lakota Portions

⁸ Iyohakab Zacchaeus inajiƞ na heye, “Iṫaċaƞ, taku bluha ki okise uƞṡike ki wiċawakʹu kte na taku ḣmiya oyate ki wiċawaki hena topakigleya hektakiya wiċaweċu ktelo,” eye.

Luke 19:8 Referans Kwoze

Luke 12:33

Waluhapi hena wiyoṗekiyapi na uƞṡikapi ki lena mazaska ki wiċakʹupo. Wak̇aƞṫaƞka taku iyotaƞla ki hena eċa tekiḣilapo. Maḣpiyata wowaṡte ki lena ojuha ċa tohaƞni okuke ṡni ċa ognakapi iyeċec̄a. Ho na maḣpiyata wamanu-wiċaṡa wanic̄api ċa wowaṡte ki lena tuweni animanu kte ṡni na kimimila ki otebyapi okihipi kte ṡni yelo.

Luke 16:9

Jesus hewiċakiye, “Woyuha luhapi hena uƞ ok̇olakiċiye icʹiċaġapo. Heċetu kihaƞ taku iyuha yaglusotapi ki maḣpiya wokiċuƞze el woasnikiye luhapi ktelo.”

Luke 11:41

Niṫawaċiƞpi ki eċa yagluwaṡtepi haƞtaƞṡ niṫoḣʹaƞpi ki nakuƞ waṡte ktelo.

Luke 7:13

Iṫaċaƞ ki wiwazic̄a le waƞyaƞkiƞ na iyokic̄iṡic̄e ċa okiyake, “Ċeye ṡni yo!” eye.

Luke 7:19

Iṫaċaƞ ki waƞyaƞkapi kihaƞ leċel iyuƞḣ wiċaṡi, “Waƞji leċel u kta keye ki he niye hwo? Naiƞṡ tuwa ṫokc̄a ċa wauƞktapi kta hwo?” eyapi.

Luke 19:7

Tuwe ki iyuha le waeċuƞ ki waƞyaƞkapi na iyokipipi ṡni, “Wiċaṡa waƞ Jesus kiċi wotiƞ kte ki le waḣtani sʹa heċa yelo,” eyapi.