Luke 19:17 - Lakota Portions

¹⁷ Wiċaṡa-yataƞpi ki iyokipi na ṫawowaṡi ki hekiye, ‘Lila taƞyaƞ waeċanu welo,’ eye. ‘Woyuha awaƞyaƞgniċiyapi ki he c̄ikʹala eyaṡ taƞyaƞ awaƞyaƞlaka ċa oṫuƞwahe wikc̄emna oiniṫaċaƞ ktelo.’

Luke 19:17 Referans Kwoze

Luke 16:10

Tuwa tohaƞyaƞ c̄ikʹala waawaƞyaƞgkiyapi eṡa taƞyaƞ waeċuƞ haƞtaƞṡ taku isam waṡteḣc̄e hena awaƞyaƞgkiyapi ktelo. Eyaṡ tuwa c̄ikʹala waawaƞyaƞgkiyapi eyaṡ owoṫaƞla waeċuƞ ṡni haƞtaƞṡ taku ota awaƞyaƞgkiyapi hena nakuƞ taƞyaƞ eċuƞ kte ṡni yelo.

1 Peter 1:7

Wowiċala niṫawa ki mazazi ċa ṗeta uƞ iyuṫapi iyeċel eṡ eyaṡ isam waṡte kte. Heuƞ wowiyuṫe eya taku wiċayala ki uƞ iniyuṫapi eyaṡ ihaƞgyepiċa kte ṡni. Hehaƞl woyataƞ, na woyuonihaƞ, na wowitan, un niyuonihaƞpi kte tohaƞl Jesus Christ ake gli kihaƞ.

1 Peter 5:4

Heċel nigluha ki tohaƞl Christ he Oiṫaƞċaƞḣc̄i ki he gli kihaƞ, woohiye waƞ woiṫuƞṗe oihaƞke ṡni ċa uƞ wateṡlag nikiyapi kte.

2 Timothy 2:10

Ċa taku keyaṡ makakijiƞ kte, heċel Wak̇aƞṫaƞka ṫaoyate ki Jesus Christ ognayaƞ wowaḣtani etaƞhaƞ woaktuƞje na oihaƞke wanilya wiċoni hena waƞyaƞkapi ktelo.

Luke 22:30

Ċa tohaƞl oimaṫaċaƞ ki misakib wayatapi ktelo. Israel el tioṡpaye igluotapi ak̄e nupa hena oiniṫaċaƞpi ktelo.”

Luke 19:16

Wowaṡi ṫokahe ki he hi na yuonihaƞ hekiye, ‘Mazaska eya mayakʹu waƞ he wikc̄emnakigle bluota yelo,’ eye.

Luke 19:18

Wowaṡi ic̄inupa he iƞṡ-eya hi na yuonihaƞya hekiye, ‘Mazaska eya mayakʹu waƞ hena zaptaƞkigle bluota yelo,’ eye.