Luke 18:32 - Lakota Portions

³² Jew oiṫaċaƞ ki Gentile oyate ki Wiċaṡa-Ċiƞkṡitku kiċaƞyewiċakiyapi kte. Oiḣapi na aṫaṡoṡapi na iṡiƞkċiƞ okuwapi ktelo.

Luke 18:32 Referans Kwoze

Luke 23:11

Ċa hehaƞl Herod ṫaakiċita ki ob Jesus oiḣaḣapi. Ṡina oteḣika waƞ iƞkiyapi na Herod hektakiya Pilate ekta kigleye.

Mark 14:65

Huƞḣ wana aṫaṡoṡapi, na iṡta ki ogmus ṗaḣtapi, na aṗapi. Na hekiyapi, “Tuwa aniṗa heċi oyaka yo,” ekiyapi. Nahaƞ, waawaƞyaƞka ki iċupi, na kaskaskapapi

Luke 23:35

Oyate ki wawaƞyaƞg najiƞpi eċuƞhaƞ Jew oyate oiṫaċaƞpi ki Jesus oiḣaḣapi na heyapi, “Oyate eya niwiċaye ċa niicʹiya okihi, Messiah waƞ Wak̇aƞṫaƞka glaḣniġe ki he e haƞtaƞṡ.”

Luke 23:1

Igluwitayapi waƞ hena Jesus Pilate, Roman oiṫaċaƞḣc̄a ki, iṫokab aipi.

Mark 15:1

Hihaƞnaḣċi waċekiye-wiċaṡa-iṫaƞċaƞ ki, kʹaƞ ki epi, an wooṗe ogna wauƞspewiċakiye ki epi, na omniċiye ki ataya, ob inaḣni mniċiyapi, tokeṡke eċuƞpi kte ki he iwoglapkapi. Jesus maza ik̇aƞyaƞpi, na eyayapi na Pilate ekta aipi.

Luke 18:33

Lila ksuyeyapi na ktepi kte eyaṡ aƞpetu ic̄iyamni ki kini ktelo, eya owiċakiyake.