Luke 17:20 - Lakota Portions

²⁰ Pharisees eya tohaƞl Wak̇aƞṫaƞka ṫawokiċuƞze he u kte ki slolya ċiƞpi na Jesus iyuƞġapi. Yuƞk̇aƞ leċel awiċayupte, “Wak̇aƞṫaƞka ṫawokiċuƞze he tokel u kte ki waƞlakapi oyakihipi kte ṡni.

Luke 17:20 Referans Kwoze

Luke 19:11

Yuƞk̇aƞ etaƞ Jesus waeye ki he naḣʹuƞpi hena wana Jerusalem ikiyela yapi na ota Wak̇aƞṫaƞka ṫawokiċuƞze ki he wana kiyela ihe keċiƞpi.

Luke 16:16

“John mniawiċakaṡtaƞ ṡnihaƞni iṫokabya oyate ki Moses ṫawooṗe na wiċaṡa-wak̇aƞ-waayaṫaƞiƞ ṫawowapi hena ognayaƞ uƞpi. Eyaṡ woṫaƞiƞ-waṡte oyakapi hetaƞhaƞ tuwe iyuha maḣpiya wokiċuƞze oṗapi kteḣc̄iƞ.

Luke 10:11

Waċetʹuƞyaglapi heuƞ oṫuƞwahe ki le etaƞhaƞ uƞkinaṗapi kihaƞ haƞpa uƞglatatapi kte. Eyaṡ kiksuyapo, Wak̇aƞṫaƞka ṫawokiċuƞze ki aohaƞ yauƞpelo.

Luke 14:1

Aƞpetu wak̇aƞ waƞ el, Jesus wiċaṡa iṫaċaƞ waƞ Pharisee heċa, he ti el wotiƞ kta iyotake, yuƞk̇aƞ tuwe iyuha lila taƞyaƞ awaƞyaƞgkuwapi.