Luke 16:30 - Lakota Portions

³⁰ Yuƞk̇aƞ wiċaṡa wijic̄a tk̇a waƞ he heye, “Hiya, tuwa wiċuƞtʹe eċiyataƞhaƞ gli na iwaktawiċaya haƞtaƞṡ anaġoptaƞpi kte na Wak̇aƞṫaƞka etkiya iglueċetupi ktelo,” eye.

Luke 16:30 Referans Kwoze

Luke 16:24

Abraham hoyekiye, “Uƞṡimala yo! Na Lazarus hiyuya yo. Nape iƞkpa ki mni okputkaƞ na ċeji miṫawa el ec̄oḣc̄i emapaṫaƞ kte. Ṗeta ki le ohaƞ makakije yelo,” eye.

Luke 13:5

Hiya, ataḣc̄i heċetu ṡni, eyaṡ Wak̇aƞṫaƞka etkiya yakinajiƞpi ṡni ki iyuha nisotapi ktelo.

Luke 3:8

Wowaḣtani hetaƞhaƞ nigluḣlayapi ki aiyeċel igluhapo uƞpo. Abraham ṫuƞkaṡilauƞyapi, keyapi ṡni yo. Oċic̄iyakapi ktelo, Wak̇aƞṫaƞka ċiƞ haƞtaƞṡ iḣʹe ki lena e kʹeyaṡ Abraham ṫawiċoiċaġe wiċakaġa okihi yelo!

Luke 13:3

Hiya, heċetu ṡni, eyaṡ le taƞyaƞ iyukc̄aƞpo, Wak̇aƞṫaƞka etkiya yakinajiƞpi ṡni haƞtaƞṡ niṡ-eya iyuha nisotapi ktelo.

Luke 16:31

Abraham hekiye, “Moses e na wiċaṡa-wak̇aƞ-waayaṫaƞiƞ hena anawiċaġoptaƞpi ṡni haƞtaƞṡ, nakuƞ tʹapi eċiyataƞhaƞ waƞji kini na iwaktawiċaye kʹeyaṡ wic̄alapi kte ṡni yelo,” eye.

Luke 19:9

Jesus Zacchaeus hekiye, “Aƞpetu ki le tiwahe niṫawa ob wanikiya iyac̄upelo, eċiƞ Abraham wiċoiċaġe ki he niwaƞji.