Luke 14:13 - Lakota Portions

¹³ Etaƞ kakijapi waƞ hena wiċakiksuya yo.

Luke 14:13 Referans Kwoze

Luke 14:21

Ċa ṫawowaṡi ki taku ki lena iyuha wahoṡi agli, yuƞk̇aƞ tiiṫaċaƞ ki naḣʹuƞ na ċaƞzehiƞgle, na ṫawowaṡi ki hekiye, ‘Oḣʹaƞk̇oya iyayiƞ na oṫuƞwahe el oċaƞkuyapi na ċaƞku lazataƞhaƞ hena iyuha el ya yo! Na waḣpanic̄api ki, na oicʹihipi ṡni, na huṡtepi na iṡtaġuƞġapi, hena iyuha awiċau wo,’ eye.

1 Timothy 5:10

Nakuƞ taku ota waṡte-ṡteya eċuƞ kʹuƞ hena uƞ oċaṡṫuƞyaƞ uƞ kte, na wak̇aƞyeja taƞyaƞ iċaḣwiċakiyiƞ kte, na tiole omanipi ki hena wowiċakʹu kte, uƞṡiicʹiya waokiyiƞ kte, Wak̇aƞṫaƞka wic̄alapi ki hena ṫatiopa ki ohiƞniyaƞ yuġaƞwiċakihiƞ kte, ohiƞniyaƞ takuƞl waṡte ċa oyate ki eċawiċakic̄iċuƞ kta ole kte.

1 Timothy 3:2

Heuƞ oiṫaċaƞpi hena taƞyaƞ awaƞiglakapi na wokiċiyuze ki he ahokiṗa uƞpi kte. Waċiƞṫaƞkapi na waċiƞksapapi kte, tuwe ki iyuha ċaƞtewaṡteya ob uƞpi kte, nahaƞ taƞyaƞ wauƞspekiya okihi kte.

Titus 1:8

Eṡʹeyaṡ wiċaṡa ṫokec̄api hena taƞyaƞ wiċakuwapi na uƞṡiwiċalapi kte. Na lena iyokipiya eċuƞpi kte. Na naġiksabya uƞpi na owoṫaƞla waokuwapi na Wak̇aƞṫaƞka awaċiƞyaƞ uƞpi, na waċiƞṫaƞgya igluhapi kte.

Philemon 1:7

k̇ola, ċaƞtouƞyagnakapi ki he ċaƞtewaṡtemayaye na blihelmayaye lo. Nahaƞ Wak̇aƞṫaƞka ṫaoyate ki ota waṡagwiċayaye.

Luke 11:41

Niṫawaċiƞpi ki eċa yagluwaṡtepi haƞtaƞṡ niṫoḣʹaƞpi ki nakuƞ waṡte ktelo.

Luke 14:12

Hehaƞl Jesus wiċaṡa waƞ kiċo waƞ he hekiye, “Tohaƞl wiċawote yakaġa haƞtaƞṡ nititakuye na wijic̄api waƞ hena ec̄ela wiċakiċo ṡni yo. Heċanu haƞtaƞṡ mak̇a akaƞ ec̄ela waƞyeglakiƞ ktelo.

Luke 14:14

Hena uƞṡiya uƞpi na takuni kicʹuƞ okihipi ṡni. Eyaṡ tokṡa Wak̇aƞṫaƞka niyawaṡte kte na taku yaglusote ki hena hektakiya niċu kte, tohaƞl ṫaoyate ki woekiċetu el inajiƞpi kihaƞ,” eye.