Luke 12:42 - Lakota Portions

⁴² Yuƞk̇aƞ Iṫaċaƞ ki leċel ayupte, “Wowaṡi eya ksabyakel wiyukc̄aƞpi waƞ hena eċa iṫaċaƞ ki waawaƞyaƞgwiċakiyiƞ kte na wowaṡi uƞma waƞ hena woyute wiċakikpamnipi kte.”

Luke 12:42 Referans Kwoze

2 Timothy 4:2

na Wak̇aƞṫaƞka ṫaoiye ki uƞ wahokuƞwiċayakiyiƞ kte. Le oweċunṡiċe k̇'eyaṡ, ċaƞtekic̄'uƞya eċanuƞ kte. Oyate ki ogluṡiċapi ki hena waƞglag owiċayakiyiƞ kte. Eyaṡ leċel wauƞspewiċayakiye eċuhaƞ, waċiƞniṫaƞka na nakuƞ blihelwiċayayiƞ kte.

1 Timothy 5:17

Tipi wak̇aƞ el oiṫaċaƞpi eya wowaṡi eċuƞ wiċaṡipi ki hena taƞyaƞ eċuƞpi haƞtaṡ wiċaiju ki nupa aiyeċel wiċakʹupi ki waṡte kte, iyotaƞḣc̄i etaƞ lila taƞyaƞ ṡkiƞċiya wahokuƞwiċakiyapi na wauƞspewiċakiyapi ki hena.

1 Peter 4:10

Wak̇aƞṫaƞka taku ota oyate ki wawiċakʹu, he otoiyohila waƞji yuha nikiyapi, oyate ki le uƞ owiċayakiyiƞ kta niċ'upi, ċa waniċ'upi ki he taƞyaƞ ilagyayo.

Titus 1:7

Ok̇olakiċiye wak̇aƞ oiṫaċaƞpi hena Wak̇aƞṫaƞka ṫawowaṡi heċapi, heuƞ taƞyaƞ igluhapi kte na ċaje igluṡic̄api kte ṡni. Oiṫaċaƞċaƞpi kte ṡni naiƞṡ oċaƞzek̇okelapi kte ṡni. Nakuƞ itomniicʹiyapi kte ṡni naiƞṡ iṡiƞkc̄iƞ waokuwapi kte ṡni naiƞṡ mazaska ec̄ela awaċiƞpi kte ṡni.

1 Timothy 3:15

Heċel ogna takuƞl hektakiya omayuspe eyaṡ, Wak̇aƞṫaƞka ṫatioṡpaye ki hena tokel igluhapi kte ki hena slolyayapi kte. Waƞ eya, Wak̇aƞṫaƞka eċiyataƞhaƞ wowiċala ki he yujuju piċaṡniya he yelo.

Luke 7:13

Iṫaċaƞ ki wiwazic̄a le waƞyaƞkiƞ na iyokic̄iṡic̄e ċa okiyake, “Ċeye ṡni yo!” eye.

Luke 7:19

Iṫaċaƞ ki waƞyaƞkapi kihaƞ leċel iyuƞḣ wiċaṡi, “Waƞji leċel u kta keye ki he niye hwo? Naiƞṡ tuwa ṫokc̄a ċa wauƞktapi kta hwo?” eyapi.

Luke 12:43

Tohaƞl Iṫaċaƞ ki ku na leċel ṫawowaṡi ki iyewiċaye ki iye ċa pilaicʹiyapi kte.