35 “Ṗetijaƞjaƞ he ileḣkiyapi kta wakta uƞpo.
Iwaktaya na taƞyaƞ wiyukc̄aƞpo. Tohaƞl Jesus Christ ake gli kihaƞ Wak̇aƞṫaƞka Tawowaṡte ki uƞ oiyokipiya niyawaṡtepi ktelo.
Ohiniyaƞ igluwiƞyeya uƞwo, wowiċake ki he ipiyakakiya uƞwo, na Wak̇aƞṫaƞka taku owoṫaƞlaye kʹuƞ he uƞ awaƞniyaƞkiƞ kte.
Heċetu ki wak̇aƞyeja iyeċel wotiyemnaṡni yauƞpi kte, na tiwahe uƞṡikiċilapi ki he iyeċel Wak̇aƞṫaƞka niyuhapi kte. Oyate eya owoṫaƞlapi ṡni na ṡikṡilya uƞpi ċa ohaƞ yauƞ eṡa oiyokpaze el iyojaƞjaƞya nigluha kte.
Wowaṡi eċuƞpi ċa, iṫaċaƞ ki kiċiyuzapi wiċawote waƞ eċiyataƞhaƞ glihuƞni kta aṗe uƞpi. He tohaƞl gli na tiyopa katoto ki waƞc̄agna kiyuġaƞpi kta aṗe uƞpi iyeċel.
