Luke 12:33 - Lakota Portions

³³ Waluhapi hena wiyoṗekiyapi na uƞṡikapi ki lena mazaska ki wiċakʹupo. Wak̇aƞṫaƞka taku iyotaƞla ki hena eċa tekiḣilapo. Maḣpiyata wowaṡte ki lena ojuha ċa tohaƞni okuke ṡni ċa ognakapi iyeċec̄a. Ho na maḣpiyata wamanu-wiċaṡa wanic̄api ċa wowaṡte ki lena tuweni animanu kte ṡni na kimimila ki otebyapi okihipi kte ṡni yelo.

Luke 12:33 Referans Kwoze

Luke 18:22

Jesus le naḣʹuƞ hehaƞ heye, “Taku waƞ ehake eċanu ktelo. Waluha ki hena iyuha wiyoṗekiya yo. Na iyayiƞ na mazaska ki uƞṡike ki wiċakʹu wo. Hel ogna Wak̇aƞṫaƞka ṫawokiċuƞze ekta wijic̄a yauƞ ktelo. Na hehaƞl hiyu na mihakab uƞ wo,” eye.

Luke 16:9

Jesus hewiċakiye, “Woyuha luhapi hena uƞ ok̇olakiċiye icʹiċaġapo. Heċetu kihaƞ taku iyuha yaglusotapi ki maḣpiya wokiċuƞze el woasnikiye luhapi ktelo.”

Luke 12:21

“Tuwa leċel wateḣila na wauƞṡila ṡni na woyuha uƞ iṡnala iwaṡteicʹiyiƞ na igluwijic̄a haƞtaƞṡ, Wak̇aƞṫaƞka iṫokabya inajiƞ kihaƞ, wiċaṡa ihaƞkeya uƞṡika heċa ktelo.”

Luke 11:41

Niṫawaċiƞpi ki eċa yagluwaṡtepi haƞtaƞṡ niṫoḣʹaƞpi ki nakuƞ waṡte ktelo.