Luke 12:32 - Lakota Portions

³² “Mitakuyepi wak̇okiṗapi ṡni yo! Wak̇aƞṫaƞka ṫawokiċuƞze ki he yuhaniċiyapi ċiƞ yelo.

Luke 12:32 Referans Kwoze

Philippians 2:13

Wak̇aƞṫaƞka niohaƞ uƞ heċel taku ċiƞniƞċiye ki he iyeċel iyayayiƞ kte.

Luke 10:21

Hehaƞl Jesus Woniya-Wak̇aƞ uƞ ċaƞte mahel iyuṡkiƞ, na heye, “Ate, maḣpiya na mak̇a akaƞ iniṫaċaƞ, wiċaṡa ksapapi na waslolyapi waƞ hena taku waƞyaƞkapi okihipi ṡni, na etaƞ waiyeċetupi ṡni waƞ hena okaḣniḣwiċayaye, leċetu kta ċa iyeċetu, heuƞ pilamayayelo,” ċekiye.

2 Thessalonians 1:11

Wak̇aƞṫaƞka niċaḣniġe ki heuƞ hoye uƞkiyapi ċaƞ uƞniksuyapi, heċel ṫaoyate ki tokel igluhapi kte kʹuƞ he iyeċel taƞyaƞ nigluhapi kte. Wak̇aƞṫaƞka ṫawowaṡʹake ki uƞ taku waṡteṡte eya eċanu yaċiƞ kʹuƞ hena niṫawowiċala ki uƞ iyoḣlogya yagluṡtaƞ kte.

2 Peter 1:11

Hehaƞl Iṫaƞċaƞ na Wanikiya Jesus Christ ṫawokiċuƞze el yai kihaƞ, woyuonihaƞ waƞ oihaƞke waƞil uƞ taƞyaƞkel niyuonihaƞ kte.

2 Thessalonians 1:5

Wak̇aƞṫaƞka taku ki hena eċiyataƞhaƞ, taku ki iyuha taƞyaƞ eċuƞ ki he uƞkablezapi. Na He ṫawokiċuƞze waƞ u kte ki he el yauƞpi kta inċipipi uƞ iyotiyeyakiyapi.

James 2:5

Mitakuyepi, nuƞġe yuwaƞkal ikikc̄upi na anaġoptaƞpo. Wak̇aƞṫaƞka oyate eya uƞṡikapi ki hena wiċakḣniġe, eċiƞ hena ṫawowiċalapi ki waṡʹake ki heuƞ. [Uƞṡikapi ki ṫawowiċalapi ki waṡʹakapi uƞ Wak̇aƞṫaƞka wiċakaḣniġe.]