Luke 12:15 - Lakota Portions

¹⁵ Hehaƞ wiċota najiƞpi hena hewiċakiye, “Wateḣilapi ṡni yo! Woyuha ota luhapi heuƞ taƞyaƞ yauƞpi kta keċiƞpi ṡni yo.”

Luke 12:15 Referans Kwoze

2 Timothy 3:2

Oyate ki waṡteiċ'ilakapi kte, na mazaska ki ecela awaċiƞ uƞpi kte. Witaƞpi kte, tuweiċ'ilapi kte, waoṡteglapi kte, na huƞkupi na atkukupi ki anawiċaġoptaƞpi kte ṡni. Wopila wanilya uƞpi kte, na takuni wak̇aƞlapi kte ṡni,

Luke 16:14

Pharisees hena lila mazaska ec̄ela waṡtelakapi. Ċa ake Jesus waeye ki he naḣʹuƞpi na iḣaḣa waekiyapi.

Luke 8:14

Na oyate eya woṫaƞiƞ-waṡte naḣʹuƞpi eyaṡ mak̇a akaƞ wiyutaƞpi hena su eya waṗeṗe ohaƞ hiƞḣpaye iyeċec̄api.

2 Peter 2:3

Iṡiwaċiƞpi na ċoyaiya wayupikapi ki uƞ oyate ki wiċagnayaƞpi kte. Eyaṡ Wak̇aƞṫaƞka ehaƞni hena tokel wiċakaṡtakiƞ kte ki he ogna egle, na Wak̇aƞṫaƞka igluwinyeyauƞ.

Mark 7:22

ṫawaċiƞ ṡic̄api, inakiciḣmapi, na taku ṡic̄e ki hena eċuƞpi, wiċagnayaƞpi, igluonihaƞpi ṡni, wakipajiƞpi, iwaṡteicʹilapi, na owak̇aƞk̇aƞpi.

Luke 21:34

Na Jesus ṫawauƞspewiċakiyapi ki nakuƞ leċel owiċakiyake, “Wak̇aƞṫaƞka etkiya taƞyaƞ wiyukc̄aƞpo na taku wilukc̄aƞpi ki niyuṡic̄api kte ki waktapo. Itomniicʹiyapi na ṡic̄aya waeċuƞpi ṡni yo. Na waluhapi kte ki ec̄ela ikaġiicʹiyapi ṡni yo. Heċanupi ki aƞpetu waƞji el waku ki wamayaktapi kte ṡni yelo.

2 Peter 2:14

Wiċaṡa ṫawapi ṡni na wiƞyaƞ ṫawapi ṡni eya ob waiċiḣaḣa eċuƞpi kta eċela awaċiƞ uƞpi. Wiċaṡaṡniya unpi ki he ṫaoye ki oihaƞke waniċe. Oyate eya [wiċagnayaƞpiwak̇aƞlapi] ki hena wiċagnayapi, na wiṡiċawaċiƞ uƞ ṫawaċiƞpi ki ojula. Eyaṡ woteḣika waƞ el yapi!

Luke 12:16

Na wiyaċiƞpi waƞ owiċakiyake, Wiċaṡa wijic̄a waƞ ṫamak̇a el woju yuƞk̇aƞ taƞyaƞ waiċaġe.