Luke 11:29 - Lakota Portions

²⁹ Wiċota ohomniya ahinajiƞ hehaƞl hewiċakiye, “Wiċoiċaġe ki le oḣʹaƞ niṡic̄api na wak̇aƞ-woeċuƞ waƞji waƞlaka yaċiƞpi, eyaṡ Wak̇aƞṫaƞka Jonah ec̄ela waƞyaƞgniċiyapi kte ṡni.

Luke 11:29 Referans Kwoze

Luke 11:16

Na huƞḣ iƞṡ-eya gnayaƞ waċiƞpi na maḣpiya eċiyataƞhaƞ wiċoḣʹaƞ ṫaƞka waƞji wiċakipazo kta ċa kilapi, heċel Wak̇aƞṫaƞka waeċuƞ ki lena yawaṡte naiƞṡ yawaṡte ṡni kihaƞ waƞyaƞkapi ċiƞpi.

Luke 12:1

Oyate lila wiċota Jesus ahomniya igluwitayapi na wiċotapi heuƞ akiċililipi, hehaƞ Jesus ihakab-uƞpi ki hewiċakiye, Pharisees hena oyate ki iċiḣmeya wauƞspewiċakiyapi he iwakta uƞpo! He ognayaƞ oyate ki wiċagnayawaċiƞpelo.

Luke 11:50

Nayajiƞpi ki lena iyuha kiksuyapo, aƞpetu ṫokahe hetaƞhaƞ wiċaṡa-wak̇aƞ-waayaṫaƞiƞpi eya wiċaktepi waƞ hena wana niuƞpi ki eċa teḣi slolyewiċawakiyiƞ ktelo.

Luke 9:41

Jesus leye, “Wiċoiċaġe ki le waċetʹuƞyaglapi na ṫawaċiƞ yagnunipi, tohaƞyaƞ niohaƞ wauƞ kta hwo? Na wic̄amayalapi kta hwo?” ewiċakiye. Wiċaṡa ki leċel ayupte, “Niċiƞkṡi lel au wo,” ekiye.

Mark 8:38

Wauƞspewiċawakiye ki le imaṡtec̄api ṡni yo. Iċiƞ lehaƞl Wak̇aƞṫaƞka ċola uƞpi na ṡikṡic̄a wiċouƞ welo. Tohaƞl ogligle wak̇aƞ ki Ate ṫawowak̇aƞ ohaƞ iyoyaƞpya kutakiya upi ki Wiċaṡa Ċiƞhiƞtku ki iƞṡʹeya iniṡteċapi ktelo.”