Luke 10:1 - Lakota Portions

¹ Taku ki lena iyohakab, Iṫaċaƞ ki ake wiċaṡa wikc̄emna ṡakowiƞ sam ak̄e nupa wiċakaḣniġe, he oṫuƞwahe eċekċe hena el kaiṫokab numnum iyayewiċaye.

Luke 10:1 Referans Kwoze

Luke 9:52

Wahoṡiye eya iṫokabya iyayewiċaye. Oṫuƞwahe waƞ Samaria mak̇oċe itimahel yaƞke ċa hel yapi na taku iyuha yuwiƞyeyapi kta ċa heuƞ.

Luke 1:76

Na hokṡila ki hekiye, “Miċiƞkṡi, Wak̇aƞṫaƞka wiċaṡa-wak̇aƞ-waayaṫaƞiƞ ṫawa heniċa kte, na wanikiye iṫokabya ṫaċaƞku ki luwiƞyeya kta,

Luke 1:17

Wak̇aƞṫaƞka kaiṫokabya waṡʹagya mani kte, Elijah waayaṫaƞiƞ uƞ waƞ he iyeċel. Tioṡpaye kakinuk̇aƞkiya uƞpi na ċaƞteṡilicʹiyapi waƞ hena ake ohokiċilapi kte. Oyate eya waohola ṡni uƞpi waƞ hena Wak̇aƞṫaƞka etkiya ake aicʹiblezapi kte. Leċel John Wak̇aƞṫaƞka ṫaoyate ki wiċagluwiƞyeya ktelo,” eye.

Luke 7:13

Iṫaċaƞ ki wiwazic̄a le waƞyaƞkiƞ na iyokic̄iṡic̄e ċa okiyake, “Ċeye ṡni yo!” eye.

Luke 7:19

Iṫaċaƞ ki waƞyaƞkapi kihaƞ leċel iyuƞḣ wiċaṡi, “Waƞji leċel u kta keye ki he niye hwo? Naiƞṡ tuwa ṫokc̄a ċa wauƞktapi kta hwo?” eyapi.