Jude 1:7 - Lakota Portions

⁷ Oṫuƞwaƞhe eya Sodom ena Gomorrah eya aċaṡṫuƞpi ki hena ena nakuƞ oṫuƞwaƞhe eya ohomni yaƞke ki hena el oyate uƞpi hena wiċakiksuyapo. Taku iṫuƞṗeya ṡikṡil waeċuƞpi na waiċiḣaḣapi hena eċuƞpi. Hena Wak̇aƞṫaƞka woiwaƞyaƞke wiċakaġe na ṗeta waƞ oihaƞke wanil ile ki he uƞ iyoṗewiċaye.

Jude 1:7 Referans Kwoze

2 Peter 2:6

*Wak̇aƞṫaƞka Oṫuƞwahe eya Sodom eyapi na Gomorrah eyapi ċa ḣugnaḣwiċaye, etaƞ wowaḣtani waṡtelakapi ki hena leċel iwahowiċaye.

Luke 17:29

Aƞpetu waƞ el Lot ec̄iyapi ki he oṫuƞwahe waƞ Sodom eyapi ki he hetaƞhaƞ kinaṗe eċuƞhaƞlaḣc̄i maḣpiyataƞhaƞ maġaju iyeċel ṗeta eya ileḣya hiƞhe na oyate ki iyuha ḣugnaġapi.

2 Peter 3:7

Eyaṡ Wak̇aƞṫaƞka maḣpiya na mak̇oċe ki hena aƞpetu waƞ el wayasupi ṡni hehaƞyaƞ yakiƞkta ċa gluṡtaƞ. Hehaƞl ṗeta uƞ ḣugnaḣyiƞ kte na oyate eya takuƞni wak̇aƞlapi ṡni hena k̇opi kte.

2 Thessalonians 1:7

eyaṡ iyotiyeyakiyapi hetaƞhaƞ asnikiyeniċiyapi kte. Iṫaƞċaƞ Jesus maḣpiya eċiyataƞhaƞ, ogligle wak̇aƞ kʹeya iṫoṗepiċapi ċa ob ku kihaƞ Wak̇aƞṫaƞka uƞkiṡʹeya iyeċel eċauƞkiċiċuƞpi kte,

2 Thessalonians 1:8

ṗeta waƞ ileḣya uƞ. Iṫaƞċaƞ Jesus tuwe Wak̇aƞṫaƞka slolyapi ṡni na Woṫaƞiƞ Waṡte ki anaġoptaƞpi ṡni kʹuƞ hena wiċakaṡta kiƞ kte.

2 Peter 2:2

Oyate ota oye waṡte ki hetaƞ wiċayahomnipi kte na iye ṫaoye ṡiċe ki ogna iyayewiċayapi kte, na oye waṡte ki he aowiċawak̇aƞk̇aƞpi na iwiċaglepi kte.