Jude 1:4 - Lakota Portions

⁴ Wiċaṡa eya takuƞni wiċalapi ṡni na waoholapi ṡni ċa, naḣma opiiċ'iyapi na uƞkʹuƞpi ohaƞ ahiyu na heyapi, "Wak̇aƞṫaƞka uƞṡiuƞlapi uƞ takuƞni ṡiċa uƞkaiyukc̄aƞpi kte ṡni, ċa waiċiḣaḣaya opiuƞkiċ'iyapi kʹeyaṡ itok̇a kte ṡni," eyapi. Jesus Christ Iṫaƞċaƞ uƞyaƞpi na ohouƞlapi ki he heċetu lapi ṡni. Eyaṡ ehaƞni Wowapi Wak̇aƞ el oyate eya leċel ṡilya opiiċ'iyapi ki hena aiyeċel wiċayasupi kte ki he iwahouƞyapi.

Jude 1:4 Referans Kwoze

2 Peter 2:10

Wak̇aƞṫaƞka oyate eya wanḣ'uƞpi ṡni na takuƞni waṡte awaċiƞpi ṡni e taku ṡiċe ecela awaċiƞ uƞpi hena wiċakipajiƞ. Lena tokel ċiƞpi ognaya igluhapi, na tuweiċ'ilapi, na takuƞni k̇okipa ṡni keyapi na oglgle wak̇aƞ ki hena wiċakuƞzapi.

1 Peter 2:16

Okablaya yauƞpi eyaṡ heċena Wak̇aƞṫaƞka ṫawowaṡi heniċapelo. Na okablaya yauƞpi ki heuƞ tokel yaċiƞki he ognaya yauƞ oyakihipi keċiƞpi ṡni yo.

1 Peter 2:8

Woṫaƞiƞ Waste ki anaġoptaƞpi ṡni ki uƞ iƞyaƞ ki le ikaṡepi na hiƞḣpayapi, Wak̇aƞṫaƞka heċetu kta ċa eċel wiċakiċiyuṡtan.

2 Timothy 3:6

Lena oyate ki wiċagnayaƞpi wayupikapi, iyotaƞḣci wiƞyaƞ eya naġiwaṡ'akapi ṡni na waḣtanipi sʹa hena wiċayahomnipi.

2 Peter 3:7

Eyaṡ Wak̇aƞṫaƞka maḣpiya na mak̇oċe ki hena aƞpetu waƞ el wayasupi ṡni hehaƞyaƞ yakiƞkta ċa gluṡtaƞ. Hehaƞl ṗeta uƞ ḣugnaḣyiƞ kte na oyate eya takuƞni wak̇aƞlapi ṡni hena k̇opi kte.

Jude 1:15

na tuwe ki iyuha wiċayasupi kte. Oyate eya takuƞni oholapi ṡni na ṡiċaya waeċuƞpi kʹuƞ hena iyuha wiċayasupi kte. Tuwe eya waḣtanipi sʹa na Wak̇aƞṫaƞka oholapi ṡniya waekiyapi kʹuƞ hena k̇'o.

1 Peter 4:18

"Oyate eya taƞyaƞ igluhapi eyaṡ iyusʹoya kpaptapi haƞtaƞnaṡ, etaƞ Wak̇aƞṫaƞka wiċalapi ṡni kʹuƞ hena tuktel yapi kta hwo?"

Ephesians 4:14

Wak̇aƞyeja ċa nahaƞḣc̄i ksap̄ap̄i ṡni iyeċel opiuƞk̄icʹiyap̄i [kte ṡni.]uƞk̄ok̄ihip̄i ṡni. Oyate wiċagnayaƞp̄i ki hena heċet̄u uƞlak̄ap̄i ki he waṡte ṡni yelo. [Oyate eya wooyake heċetu ṡni ċa yaoṫaƞiƞpi ki hena anawiċaġoptaƞpi kte ṡniyo, owak̇aƞk̇aƞpi sʹa hena nignanya wiċakiyapi ṡniyo,] Ok̄enaṡ uƞk̄iṫawaċiƞp̄i ki ṫat̄et̄a k̄aḣwok̄iƞ ktelo.

1 Timothy 5:8

Tuwe titakuye ewiċakiktuƞjapi iyeċel el ewiċatuƞwaƞpi ṡni ki hena, wowiċala ki agluṡtaƞpi. Na etaƞ wowiċala yuhapi ṡni kʹuƞ hena isamya Wak̇anṫaƞka wicalapi ṡni.

2 Timothy 2:12

Waċiƞuƞṫaƞkapi haƞtaƞṡ ṫawokiċuƞze ouƞṗapi ktelo. Christ sloluƞyaƞpi ṡni uƞkeyapi haƞtaƞṡ iƞṡʹeyaƞ sloluƞyaƞpi ṡni keyiƞ ktelo.

2 Peter 2:7

*Lot wiċaṡa ki he owoṫaƞla uƞ na oyate ki awaiċ'iḣtanipi ki he inaġiyeya uƞ. Wiċaṡa ki he waṡte, na anpetu iyohila taku ṡiċe ki hena waƞyaƞkiƞ na naḣ'uƞ kʹun uƞ yuċaƞteṡiċe. Ca heuƞ Wak̇aƞṫaƞka nikiye.

Jude 1:18

Aƞpetu ehake ki he ik̇iyela ekta oyate eya iṡna awaiċ'ic̄iƞpi na taku wak̇aƞ ki hena wiċalapi kte ṡni, na Wak̇aƞṫaƞka oṡteglapi kte.