Jude 1:3 - Lakota Portions

³ Mitakuye oyasʹiƞ, Wak̇aƞṫaƞka ṫawowaṡʹake ki tokel uƞkigluhapi ohaƞ ṫaƞiƞ ki he wowapi le el iwowaglaka waċiƞ. Eyaṡ iyeṡ Wak̇aƞṫaƞka ṫawowiċala waƞ ṫaoyate ki wiċakʹu na he yuṫokeċa piċaṡni ki heċa nayeċijiƞpi kta uƞ oċiċiwapi.

Jude 1:3 Referans Kwoze

1 Timothy 6:12

Wowiċala ki le sutaya nayeċijiƞ kte na wiċoni owihaƞke waƞil wowic̄ala ki he ṫawa niglawa kte. Wak̇aƞṫaƞka wiċoḣ'aƞ ki le niċ'u ki he oyaglake na oyate ota naniḣ'uƞpi.

Philippians 1:27

Iyotaƞḣc̄i, Woṫaƞiƞ Waṡte el tokel uƞkigluhapi ki Christ uƞyuonihaƞpi kte ki he owa yaƞke ki he uƞkolepi kte. Heċel ake wauƞkiċiƞyaƞkapi naƞiƞṡ heċetu ṡni eṡa, iyuha hel ogna wilukcaƞpi ki he onaċiḣ'uƞpi kte. Iyuha witaya hel ogna ṡkiƞniċiyapi ki Woṫaƞiƞ Waṡte ki ota wiċalapi kte.

Jude 1:20

Mitakuyepi, taku waƞ wak̇aƞyaƞ wic̄ayalapi ki he gluwaṡʹagya gluha ċekiyapo, Woniya Wak̇aƞ ki wookiye niċ'u kte.

Titus 1:4

Titus, wowic̄ala uƞkiṫawa uƞ takuċiye. Wak̇aƞṫaƞka Ateuƞyaƞpi, na Jesus Christ, Wanikiya uƞkiṫawapi ki, wowaṡte, na wowauƞṡila, na wookiye k̇o, nic̄u nuwe.

2 Timothy 1:13

Ektaḣci wooglake na wookaḣniġe kʹeya uƞspeċiciye kʹuƞ he takuni yuṫokca ṡni sutaya gluha najiƞ yo. Na Christ Jesus ṫawowauƞṡila na ṫawowiċala ki hena awaċiƞyaƞ gluhayo.

1 Timothy 1:18

Timothy miċiƞkṡi, wooṗe eya ċicʹu ki lena wiċaṡa wak̇aƞ waayaṫaƞiƞ eya niye ċa niċaḣniġapi, lena woiye ki taƞyaƞ awaƞyaƞglake ki hena uƞ ċaƞtetʹiƞsya nanicʹijiƞ ktelo.

1 Thessalonians 2:2

Hektakiya yeksuyapi ki, Philippi oṫuƞwahe el ṫokahe uƞhipi waƞhehaƞ oyate ota iṡtel uƞyaƞpi ċiƞpi na ṡiċaya uƞkuwapi. Eyaṡ Wak̇aƞṫaƞka, Woṫaƞiƞ Waṡte ki uƞkoniċiyakapi ċiƞ uƞ bliheluƞyapi.

Jude 1:17

Mitakuyepi, Jesus Christ ṫawahoṡiye ki taku eya iwahoniyapi waƞ hena kiksuyapo.

2 Peter 1:1

Simon Peter le miye yelo, Jesus Christ ṫawowaṡi na ṫawahoṡiye ki he e. Tuwe ki iyuha Wak̇aƞṫaƞka na Wanikiya Jesus Christ wiċalapi ki hena, taku heċetu na waṡte ki hena ognayaƞ uƞpi kte.

1 Peter 5:12

*Silvanus wowapi ċiƞċala ki le owa omakiye, na he Iṫaƞċaƞ ihakab uƞpi ki he waƞjiḣc̄e blawa. Wak̇aƞṫaƞka ṫawauƞṡila ki he uƞ blihelċiya waċiƞ, heċel iniyaƞṡniyaƞ wiċayalapi kte.

Philippians 1:1

Paul lemiye, na Timothy kiċi wowapi ki le hiyuuƞniċiyapi, Christ Jesus ṫawowaṡi heuƞċapi. Wak̇aƞṫaƞka ṫaoyate eya Philippi el uƞpi ki hena ena tipi wak̇aƞ oiṫaƞċaƞpi ki ena tipi wak̇aƞ el waokiyapi ki hena.

Ephesians 1:1

Paul, Jesus Christ ṫawahoṡiye kta ċa Wak̇aƞṫaƞka glaḣniġe. Ephesus el ṫaoyate eya uƞpi hena ena Jesus Christ faithful ihakab uƞpi ki hena.

2 Peter 2:21

Eyeṡ taku heċetu kʹuƞ he naḣ'uƞpi ṡni ki taƞyaƞ uƞpi tk̇a. Taku heċetu ki he slolyapi eyaṡ woahoṗe wak̇aƞ eya wiċakʹupi waƞ hetaƞ iḣayab iyayapi.

Jude 1:1

Le Jude miye lo, Jesus Christ ṫawowaṡi ki waƞji, na James he mihunkake le miye. Wak̇aƞṫaƞka tuwe wiċakaḣniġiƞ na tewiċaḣila kʹuƞ hena Jesus Christ iyoḣlogya taƞyaƞ awaƞwiċayaƞke.