Jude 1:18 - Lakota Portions

¹⁸ Aƞpetu ehake ki he ik̇iyela ekta oyate eya iṡna awaiċ'ic̄iƞpi na taku wak̇aƞ ki hena wiċalapi kte ṡni, na Wak̇aƞṫaƞka oṡteglapi kte.

Jude 1:18 Referans Kwoze

2 Peter 3:3

Eyaṡ ṫokeya le ayablezapi kte, aƞpetu ehake ekta oyate ki huƞḣ takuƞni itok̇api kte ṡni, na e e iṡna awaiċ'iċiƞpi kte. Na oiniḣapi kte

2 Timothy 4:3

Aƞpetu waƞ u kte ki he el oyate ki taku heċetu ṡni ki hena eċela naḣ'uƞ ċiƞpi kte. Eṡʹeyaṡ, wauƞspewiċakiyapi eya nuƞġe akataƞhaƞ eċela onaḣ'uƞwaṡte ċa oyakapi hena eċa owiċalepi kte.

2 Timothy 3:13

Eyaṡ oyate eya iglawaṡtepi na oyate ki wiċagnayapi waƞ hena eṡ eyaṡ iye samṗaya iglaṡiċapi kte.

2 Peter 2:1

Ehaƞni watohaƞlya Wahoṡiyakuƞzapi eya Israel oyate ki wowiċakiyapi. Wauƞspekiyakuƞzapi ki hena nakuƞ naḣma ahi na uƞṫuƞniyaƞpi kta uƞ owak̇aƞk̇aƞ woglakapi kte. Eyaṡ wauƞspewiċakiyapi ki lena Iṫaƞċaƞ ihaƞkiya uƞṡiwiċala kʹuƞ he ektuƞjapi, na he kiċiċapi ṡni, na hena yulena sʹe ihaƞgiċ'iyapi kte.

Jude 1:16

Oyate ki lena oiyahaƞpi na taku iyuha el iglepi na tokċiƞyaƞ igluhapi. Taku ċiƞpi uƞ iglaonihaƞpi na oyate ki wiċayuonihaƞ kuƞzaƞpi.

2 Peter 2:10

Wak̇aƞṫaƞka oyate eya wanḣ'uƞpi ṡni na takuƞni waṡte awaċiƞpi ṡni e taku ṡiċe ecela awaċiƞ uƞpi hena wiċakipajiƞ. Lena tokel ċiƞpi ognaya igluhapi, na tuweiċ'ilapi, na takuƞni k̇okipa ṡni keyapi na oglgle wak̇aƞ ki hena wiċakuƞzapi.

Jude 1:4

Wiċaṡa eya takuƞni wiċalapi ṡni na waoholapi ṡni ċa, naḣma opiiċ'iyapi na uƞkʹuƞpi ohaƞ ahiyu na heyapi, "Wak̇aƞṫaƞka uƞṡiuƞlapi uƞ takuƞni ṡiċa uƞkaiyukc̄aƞpi kte ṡni, ċa waiċiḣaḣaya opiuƞkiċ'iyapi kʹeyaṡ itok̇a kte ṡni," eyapi. Jesus Christ Iṫaƞċaƞ uƞyaƞpi na ohouƞlapi ki he heċetu lapi ṡni. Eyaṡ ehaƞni Wowapi Wak̇aƞ el oyate eya leċel ṡilya opiiċ'iyapi ki hena aiyeċel wiċayasupi kte ki he iwahouƞyapi.