Jude 1:16 - Lakota Portions

¹⁶ Oyate ki lena oiyahaƞpi na taku iyuha el iglepi na tokċiƞyaƞ igluhapi. Taku ċiƞpi uƞ iglaonihaƞpi na oyate ki wiċayuonihaƞ kuƞzaƞpi.

Jude 1:16 Referans Kwoze

2 Peter 2:18

Waƞkʹeya waeċuƞpi ki he hoṫaƞgya oglakapi. Na ṡikṡil waeċuƞpi na wauƞṡilapi ṡni, na oyate eya iċiḣmeya uƞpi waƞ hetaƞ naiċ'iṡpapi waƞhena wiċagnayapi.

2 Peter 2:10

Wak̇aƞṫaƞka oyate eya wanḣ'uƞpi ṡni na takuƞni waṡte awaċiƞpi ṡni e taku ṡiċe ecela awaċiƞ uƞpi hena wiċakipajiƞ. Lena tokel ċiƞpi ognaya igluhapi, na tuweiċ'ilapi, na takuƞni k̇okipa ṡni keyapi na oglgle wak̇aƞ ki hena wiċakuƞzapi.

Philippians 2:14

Taku ki iyuha iyokipiya eċuƞwo, na waakiniċe ṡni yo.

1 Peter 4:2

Taku eya iyotaƞyala waƞ hena hehaƞyaƞ aluṡtaƞ kta ċa k̇api, na e e wiċoni niṫawa ki uƞ Wak̇aƞṫaƞka ahoyaṗiƞ kte.

1 Timothy 6:5

Ṡikṡiċaya ahoyekiċiyapi, ṫawaċiƞ iċetupi ṡni sʹe wiyukcaƞpi uƞ wowiċake ki waƞyaƞkapi okihipi ṡni. Lena oyate kihaƞ woċekiye ki he uƞ igluwijc̄api kta keċiƞpi.

Jude 1:18

Aƞpetu ehake ki he ik̇iyela ekta oyate eya iṡna awaiċ'ic̄iƞpi na taku wak̇aƞ ki hena wiċalapi kte ṡni, na Wak̇aƞṫaƞka oṡteglapi kte.

2 Peter 3:3

Eyaṡ ṫokeya le ayablezapi kte, aƞpetu ehake ekta oyate ki huƞḣ takuƞni itok̇api kte ṡni, na e e iṡna awaiċ'iċiƞpi kte. Na oiniḣapi kte

1 Peter 2:11

Mitakuyepi, ċaƞte etaƞhaƞ woċiċiyakapi kta ċa taƞyaƞ anamaġoptaƞpo. Lel oyate ṫokc̄a heniċapi. Ċa taku waṡte ṡni eya niyuhuƞkapi ṡni ki hena etaƞ iḣeyab eċuƞpo.

Jude 1:15

na tuwe ki iyuha wiċayasupi kte. Oyate eya takuƞni oholapi ṡni na ṡiċaya waeċuƞpi kʹuƞ hena iyuha wiċayasupi kte. Tuwe eya waḣtanipi sʹa na Wak̇aƞṫaƞka oholapi ṡniya waekiyapi kʹuƞ hena k̇'o.

1 Peter 1:14

Wak̇aƞyeja ċa taƞyaƞ waanaġoptaƞpi iyeċel opiiċ'iyapo. Taku eya ehaƞni niye ċiƞiċ'iyiƞ na hena kaṡkanize kʹuƞ hena hehaƞya heċetu kte ṡni.

2 Timothy 4:3

Aƞpetu waƞ u kte ki he el oyate ki taku heċetu ṡni ki hena eċela naḣ'uƞ ċiƞpi kte. Eṡʹeyaṡ, wauƞspewiċakiyapi eya nuƞġe akataƞhaƞ eċela onaḣ'uƞwaṡte ċa oyakapi hena eċa owiċalepi kte.

1 Thessalonians 4:5

Oyate eya Wak̇aƞṫaƞka slolyapi ṡni sʹe uƞpi, na wiċaṡaṡniya akiċisċupi ki hena owiċaṗapi ṡni yo.

Luke 19:7

Tuwe ki iyuha le waeċuƞ ki waƞyaƞkapi na iyokipipi ṡni, “Wiċaṡa waƞ Jesus kiċi wotiƞ kte ki le waḣtani sʹa heċa yelo,” eyapi.

Luke 15:2

Ċaƞke Moses-ṫawooṗe-awaƞyaƞkapi ki e na Pharisees waƞ hena iyokipipi ṡni na heyapi, “Wiċaṡa ki le waḣtanipi sʹa ob wotelo.”

Luke 5:30

Pharisees ki e na Moses-ṫawooṗe-awaƞyaƞkapi waƞ hena Jesus ihakab-uƞpi ki iwiċayuƞġapi, “Takuwe lena ob wayatapi hwo? Waḣpa-wokaiju-pahipi na waḣtanipi sʹa heċapelo,” eyapi.