Jude 1:1 - Lakota Portions

¹ Le Jude miye lo, Jesus Christ ṫawowaṡi ki waƞji, na James he mihunkake le miye. Wak̇aƞṫaƞka tuwe wiċakaḣniġiƞ na tewiċaḣila kʹuƞ hena Jesus Christ iyoḣlogya taƞyaƞ awaƞwiċayaƞke.

Jude 1:1 Referans Kwoze

1 Peter 1:5

Wak̇aƞṫaƞka wiċayala ki heuƞ ṫawowaṡʹake uƞ niyuha kte, aƞpetu ihaƞke ekta wiċayasupi kte ki hehaƞyaƞ. Na hehaƞl woohiye waƞ ċiƞniċiye kʹuƞ he yuha niċiƞyiƞ kte.

1 Thessalonians 5:23

Wak̇aƞṫaƞka waƞ wolakota oyate ki ċiƞwiċakiye ki he woohola niċ'u kta. Na Iṫaƞċaƞ Jesus Christ gli ṡni hehaƞyaƞ, ninaġi ki, ena niṫaċaƞ ki wozaƞni niċ'u kte.

2 Timothy 1:9

Wak̇aƞṫaƞka uƞkaḣniġapi na niuƞyaƞpi heċel ṫaoyate heuƞċapi kte. Takuƞni ikipiya ecuƞkʹuƞpi ṡni eyaṡ, Wak̇aƞṫaƞka ehaƞni heċetu kta ċa yuṡtaƞ egnake. Eċiƞ lila wauƞṡila ki heuƞ ehaƞni taku yaƞke ki hena iyaƞke ṡnihaƞni, Jesus Christ iyoḣlogya lena egnake.

1 Peter 2:9

Ok̇olakiċiye Wak̇aƞ ki he niyepi, Wak̇aƞṫaƞka niċaḣniġapi na ṫaoyate nikaġapi heċel ṫawowaṡte ki hena olakapi kta uƞ, niṫawaċiƞpi ki oiyokpaze iyeċel el yauƞpi waƞ hehaƞ waayablezapi ṡni, eyaṡ waƞna hena ayablezapi na lena laoṫaƞiƞpi kte. Wowapi Wak̇aƞ el leċel owapi,

2 Peter 1:1

Simon Peter le miye yelo, Jesus Christ ṫawowaṡi na ṫawahoṡiye ki he e. Tuwe ki iyuha Wak̇aƞṫaƞka na Wanikiya Jesus Christ wiċalapi ki hena, taku heċetu na waṡte ki hena ognayaƞ uƞpi kte.

1 Peter 5:10

Eyaṡ Wak̇aƞṫaƞka ṫawowauƞṡila ki he, wowaṡi eċuƞpi ṡni eyaṡ iṡi wiċakʹupi ki he iyeċel, tuwe ki iyuha wiċ'upi, ċa heuƞ Christ Jesus ṫawowinihaƞ waṡteḣc̄a ki he owaja nikiyapi kte. Otohaƞyaƞ nikakijiƞ kte, [eyaṡ Wak̇aƞṫaƞka onikiyiƞ kte heċel atayakel waṡʹagniyiƞ kte.]

1 Peter 1:2

Ate Wak̇aƞṫaƞka ṫaoyatepi kta niċaḣniġapi, na Woniya Wak̇aƞ ki uƞ niyuwak̇aƞpi. Ehaƞni Ṫaṫaƞka ki we kpapsuƞpi heċel oyate ki nipi kta he iyeċel, Jesus Christ we kpapsuƞ na wiċoni ekignake ki he ohoyalapi haƞtaƞnaṡ yani pi kte. Wak̇aƞṫaƞka uƞṡinilapi na wookiye niċ'upi kta uƞ ċewakiye.

James 1:1

[Le James miye, Wak̇aƞṫaƞka ṫawaoikiye ki, na Iṫaƞċaƞ Jesus Christ. Mak̇a sitomniya oyate akenuƞpa uƞpi ki hena, ċantewaṡteya nape ċiyuzapelo.]

2 Timothy 4:18

Wak̇aƞṫaƞka taku ṡiċe ki etaƞhaƞ ohiƞniya taƞyaƞ mayuha, na maḣpiya wokiċuƞze ki hel taƞyaƞ amaki kte. Woyuonihaƞ uƞ ohiƞniya uƞyataƞpelo! Ho heċetu welo.

1 Thessalonians 2:12

Wiċoni niṫawa ki uƞ tokel Wak̇aƞṫaƞka luonihaƞ kte he ognayaƞ blihel uƞniyaƞpi kte ḣc̄iƞ, na he ognayaƞ wahokuƞ uƞniċiyapi. Wak̇aƞṫaƞka ṫawokiċunze na ṫawowitaƞ ki hena iyoniwaja kta niċaḣniġe.

Ephesians 5:26

Ok̇olakiċiye wak̇aƞ ki he ṫaoiye ki uƞ yuwak̇aƞ, mni uƞ yujaja na ohakab yuwak̇aƞ.

Luke 6:16

Na Jude, he James ċiƞc̄a na Judas Iscariot, he ohakabya Jesus wiċaiju uƞ aoyakiƞ kte. Lena eċa wahoṡiyapi kta wiċaglaḣniġelo.

Mark 3:18

Andrew, Philip, Bartholomew, Matthew, Thomas, James eċa Alphaeus ċiƞc̄a, Thaddaeus, e na Simon.

Mark 6:3

"Ṫokiƞṡ Jesus caƞpajiṗe wiċaṡa heċa nakun Mary ċiƞc̄a keunċiƞpi. Ṫokenaiƞṡ James e na Joseph e na Judas e na Simon hena k̇o suƞkawicaye keunċiƞpi? Taƞkṡitku ki k̇o lel uƞpi hwo?” Oyate ki eyapi na ḣeyab iyayapi.

Jude 1:3

Mitakuye oyasʹiƞ, Wak̇aƞṫaƞka ṫawowaṡʹake ki tokel uƞkigluhapi ohaƞ ṫaƞiƞ ki he wowapi le el iwowaglaka waċiƞ. Eyaṡ iyeṡ Wak̇aƞṫaƞka ṫawowiċala waƞ ṫaoyate ki wiċakʹu na he yuṫokeċa piċaṡni ki heċa nayeċijiƞpi kta uƞ oċiċiwapi.

Jude 1:21

Wak̇aƞṫaƞka ṫawowauƞṡila ki he gluha manipo, Jesus Christ uƞṡinilapi uƞ wiċoni oihaƞke wanil niċ'upi ṡni hehaƞyaƞ.