James 5:5 - Lakota Portions

⁵ Mak̇a wiċoni ki le eċeyela awaƞniċ'iċiƞpi, ptebleṡka ċa wiċaktepi ṡni haƞni ċebwiċayapi iyeċel ċebniċ'iyapi. wipi niċ'iyapi na oiyokipi luhapi kta hena eċela awaċiƞ yauƞpi.

James 5:5 Referans Kwoze

1 Timothy 5:6

Eyaṡ wiwaziċa waƞ icʹiigluonihaƞ sni ki he ṫaċaƞtʹe iyeċel uƞ kte.

Luke 16:25

Eyaṡ Abraham leċel ayupte, “Mitakuye, yeksuya hwo, yani wahehaƞ taku waṡteṡte iyuha luha na Lazarus iƞṡ taku ota naokpaniyaƞ uƞ, eyaṡ iye wana taƞyaƞ uƞ na niye wana wokakije el yauƞ.

Luke 16:19

Wiċaṡa wijic̄a waƞ hayapi oteḣika uƞ na aƞpetu iyohila woyute waṡteṡte yute.

Jude 1:12

Lena oyate ki ṫawaċiƞṡiċapi, na taku eya iṡteċe ṡniya waeċuƞpi na iṡnaiċ'ila awaiċ'iċiƞpi uƞ wiċawote ki he yuṡiċapi. Hena maḣpiya agli eyaṡ maġaju ṡni ki he iyeċeċapi, takuƞni iwaṡtepi ṡni. Ċaƞ eya kajuƞpi na waḣpeċola tʹapi ki he iyeċeċapi, na he waskuyeċa iċaġa okihi ṡni.

2 Peter 2:13

Taku ṡiċa eċuƞpi ki hena uƞ wiċakiċiċajujupi kte. Aƞpa eċuƞhaƞ gnaṡkiƞyaƞ sʹe kiċiċopi na iċiḣmaya waeċuƞpi ki he oiyokipi keċiƞpi. Wiċowiċaṡaṡniya opiiċ'iyapi, waiḣpeyapi woeċuƞ ki he el niohaƞ uƞpi, woiṡteċe ṡniya uƞpi ki hena woyuonihaƞ uƞ wiċawote ki he yaṡiċapi.

2 Timothy 3:4

Wiċaṡaṡniya igluhapi kte, na tokċiƞkċiƞyaƞ uƞpi kte, na wowitaƞ uƞ igluwaƞkal igluzapi kte. Wak̇aƞṫaƞka oholapi kte ṡni na e eyaṡ woiyokipi ki he waṡtelakapi kte.