James 5:10 - Lakota Portions

¹⁰ Wiċaṡa-wak̇aƞ-waayaṫaƞiƞ eya Wak̇aƞṫaƞk̄a wok̄ic̄iyak̄ap̄i hena wiċak̄iksuyap̄o. Hena k̄ak̄iṡya uƞpi eyaṡ heċena waċiƞṫaƞk̄ap̄i.

James 5:10 Referans Kwoze

Luke 6:23

Aƞpetu ki he el wiyuṡkiƞpi na ṡkehaƞhaƞ opiicʹiyapo. Iho Wak̇aƞṫaƞka maḣpiya ṫawokiċuƞze ekta wokaiju ṫaƞka yuhaniċiyapi ktelo. Nititakuye niṫokab ehaƞni iyayapi ki hena iƞṡʹeya wokċaƞ wiċaṡa ki leċel wiċakuwapelo.

Luke 13:34

“Jerusalem, hel oyate eya yauƞpi hena, wiċaṡa-wak̇aƞ-waayaṫaƞiƞpi ki eya woṫaƞiƞ-waṡte oyakapi kta ċa hiyuwiċayapi eyaṡ wiċayaktepi, k̇okayaḣʹaƞla waƞ ḣupahu iyoḣlateya jijila eya wiċagluwitaya he iyeċel miṡ-eya ċiyuwitayapi waċiƞ eyaṡ iyowiƞmayakiyapi ṡni yelo.

James 4:11

Mitakuyepi, woiye ṡikṡiċa uƞ tuweni awaiyewiċakiyapi ṡni yo! Heċanuƞpi ki, naiƞṡ tuwa laṡiċapi haƞtaƞnaṡ, Wak̇aƞṫaƞka ṫawooṗe ki he laṡiċapi iyeċeċa yelo. Na Wooṗe ki he laṡiċapi ki, Wooṗe ki he iwaƞkab nigluzapi na he ahoyaṗapi ṡni naiƞṡ

James 5:7

Mitakuyepi, Iṫaƞċaƞ u ṡni hehaƞyaƞ waċiƞṫaƞgya uƞpo. Woju-wiċaṡa eya ptaƞyetu na wetu ċaƞ maġu sʹa na uƞ taƞyaƞ waiċaġiƞ kte ki he toketu ki iyukc̄aƞyaƞ uƞpo.

James 5:9

Mit̄ak̄uyep̄i, ik̄ic̄iglep̄i ṡni yo, heuƞ Wak̇aƞṫank̄a niyasup̄i ktelo. Wayasu u kte ki wana kiyela yelo.

James 5:13

Niohaƞ t̄uweḣc̄i oteḣi waƞyaƞkapi hwo? Waċeyak̄iyap̄i waṡtek̄elo. Niohaƞ t̄uweḣc̄i ċaƞt̄e-waṡtep̄i hwo? Wayuonihaƞ yalowaƞp̄i waṡtek̄elo.