James 3:17 - Lakota Portions

¹⁷ Wak̇aƞṫaƞk̄a woksap̄e uƞ ewiċak̄aṫaƞ ki hena ṫawaċiƞ ki waṡtep̄i, na waḣwayela opiicʹiyap̄i, na wauƞṡilap̄i, na oyate ki oiye iwiċac̄up̄i, wakip̄ajiƞp̄i ṡni, na ċaƞt̄ek̄icʹuƞya waeċuƞp̄i.

James 3:17 Referans Kwoze

James 3:15

Leċel wiyukc̄aƞp̄i hena Wak̇aƞṫaƞk̄a ṫawoksap̄e yuhap̄i ṡni. Wak̇aƞṫaƞk̄a ektuƞṡya wiyukc̄aƞp̄i na iṡna-ihaicʹiktap̄elo. Lena wak̇aƞ-ṡic̄a ki ṫawoeċuƞ.

James 1:17

T̄ak̄u waṡte ki hena iyuha maḣpiyat̄aƞhaƞ Wak̇aƞṫaƞk̄a et̄aƞhaƞ u welo. K̇o wi ki iyoyaƞpakiye na he mak̇a glak̄iƞyaƞ ṫogṫogya aiyohaƞze, eyaṡ Wak̇aƞṫaƞk̄a heċel igluṫokc̄a ṡni yelo.

James 1:5

Na woksap̄e iniyuċaƞp̄i haƞt̄aƞṡ Wak̇aƞṫaƞk̄a ċek̄iyap̄o. Waableza onic̄iyap̄i kte, ċiƞ Wak̇aƞṫaƞk̄a wauƞṡila yelo.

1 Peter 1:22

Taku heċetu ki he wiċayalapi, na heuƞ naġi niyawaṡtepi. Ċa he uƞ ċaƞte etaƞhaƞ tekiċiḣila yauƞpi. Na heċel yauƞpi ki waṡte kte.

Luke 21:15

Taku ehapi kte ki he iyeċetuya woksape ki ċicʹupi kte. Aniḣniyaƞpi waƞ hena waƞjini ananipta okihipi kte ṡni yelo.

Luke 6:36

Wak̇aƞṫaƞka wauƞṡila ki he iyeċel wauƞṡila awaċiƞpo,” eye.

2 Timothy 2:24

Wak̇aƞṫaƞka ṫaeyapahapi ki hena woṡiċapi kte ṡni. Tuwe ki iyuha ċaƞte waṡteya ċaƞtewiċakiyuzapi kte, na taƞyaƞ wauƞspewiċakiyapi okihipi kte, na waċiƞṫaƞkapi kte.

1 Peter 2:1

Wawoyusiƞkapi etaƞhaƞ igluḣlayapo! Oyate ki wiċagnaya iyuṫapi ṡni yo, nahaƞ e e ċaƞtekiċ'uƞyaƞ uƞpo. Oyate anawiċawizipi ṡni na ṫawaċiƞ hiƞyaƞzaƞya owiċakuwapi ṡni yo.

James 2:4

Leċuƞpi ki he oyate ki huƞḣ waiyehaƞ owiċakuwapi ṡni ki he iyeċeċa. Wayasu wiċaṡa waƞ iċiḣmiya wayasu ki he iyeniċeċapi.

James 4:8

Wak̇aƞṫaƞka ikiyela u wo, ki iƞṡʹeya nikiyela u kte. Takuƞni itok̇aṡniyaƞ yauƞpi ki hena wiċoni apikiyapo. Waċiƞ ninuƞpapi ki waƞjilakiya wiyukc̄aƞpi na ṫawaċiƞ ohokilapo.

1 Timothy 5:21

Wak̇aƞṫaƞka e na Christ Jesus na ogligle eya wiċkaḣniġapi ki hena wiċiṫokabya, miṫawoiyaksape ki lena eċuƞċiṡi. Tuwe ki iyuha akilehaƞlya owiċayakuwa kte, na tuweni iyotaƞwiċayala kte ṡni.

1 Thessalonians 2:7

Eyaṡ wahoṡiya heuƞċapi uƞ waċiƞuƞniyaƞpi uƞkohipi tk̇a. Eċiƞ Christ eċa hiyuuƞyaƞpi. Eyaṡ e wak̇aƞyeja sʹe niohaƞ uƞkʹuƞpi, naƞiƞṡ wiƞyaƞ ċa hokṡi awaƞwiċaglake sʹe uƞkʹuƞpi.

Philippians 4:8

Ehakeya, mitakuyepi, taku eya heċetuḣc̄i ki hena awaċiƞ yauƞpi kte, taku eya ihaƞkeya waṡte, na taku eya wak̇aƞyapi, na taku eya wawiyuṡkiƞpi, na taku eya ognaḣc̄i ki hena. Taku hena ohiƞniya awaċiƞ yauƞpi na woyataƞpiċa ki hena lataƞpi kte.

Philippians 1:11

K̇ohaƞ oyate ki aniblezapi na Wak̇aƞṫaƞka yataƞpi na yaonihaƞpi ktelo. [Verses 9-11 is consultant checked. Rosalie's booklet]

Titus 3:2

Tuweni wiċayaṡic̄api kte ṡni. Ahoyekiċiyapi kte ṡni. Tuwe ki iyuha ob taƞyaƞ uƞpi kte na waḣwayela opiicʹiyapi kte.

Titus 1:15

Tuwe ċaƞte waṡteya uƞ ki he taku iyuha waṡteya waƞyaƞke. Eyaṡ tuwa ṫawaċiƞ ṡic̄api ki hena ṡilya opiicʹiyapi na takuni waṡte waƞyaƞkapi okihipi ṡni. Tuwa heċel aigluṡtaƞ ki he ṫawaċiƞ ihaƞgkiye.

Ephesians 5:9

Le oyate ki ṫawaċiƞ iyoyambwiċayapi ki uƞ taku waṡte na heċetu ki hena iċuƞpi kte

James 2:13

Aƞpetu woyasu ki he el tuwa wauƞṡila ṡni uƞ kʹuƞ he Wak̇aƞṫaƞka iƞṡʹeya uƞsila kte ṡni. Heċetu eṡa heċena Wak̇aƞṫaƞka wauƞṡila.

1 Peter 2:18

Wowilake niyuhapi ki hena ahowiċakiṗapo na ohiƞniyaƞ ohowiċalapo. Nakuƞ etaƞ taƞyaƞ niċuwapi ṡni hena k̇o leċel eċuƞpo.