James 3:13 - Lakota Portions

¹³ T̄uweḣc̄i niksap̄ap̄i na waslolyayap̄i k̄eċanip̄i haƞt̄aƞṡ t̄aƞyaƞ waeċuƞp̄o, heċel oyate ki ableswiċayayap̄i ktelo. Wauƞṡiyalap̄i haƞt̄aƞṡ ksabya waeċanup̄i ktelo.

James 3:13 Referans Kwoze

James 3:17

Wak̇aƞṫaƞk̄a woksap̄e uƞ ewiċak̄aṫaƞ ki hena ṫawaċiƞ ki waṡtep̄i, na waḣwayela opiicʹiyap̄i, na wauƞṡilap̄i, na oyate ki oiye iwiċac̄up̄i, wakip̄ajiƞp̄i ṡni, na ċaƞt̄ek̄icʹuƞya waeċuƞp̄i.

1 Peter 2:12

Wowicala yuhapi ṡni eya ohaƞ yauƞpi ċa waktaya uƞpo. Takuƞl ṡic̄a iyaniuƞpapi eyaṡ igluonihaƞ yauƞ ki waƞniyaƞkapi na tohaƞl Wak̇aƞṫaƞka oyate ki wiċayasu kta u ki, taku waṡte eċanuƞ ki hena wanyaƞkapi na Wak̇aƞṫaƞka yuonihaƞpi ktelo.

Titus 3:2

Tuweni wiċayaṡic̄api kte ṡni. Ahoyekiċiyapi kte ṡni. Tuwe ki iyuha ob taƞyaƞ uƞpi kte na waḣwayela opiicʹiyapi kte.

2 Timothy 2:25

Tohanl oyate ki el iniglepi haƞtaƞaṡ aiyopteya iwiċalaksapiƞ kte. Heċel ogna taku heċetu ki he Wak̇aƞṫaƞka okaḣniḣ wiċakiyiƞ na wiċayahomni okihi kte.

Philippians 1:27

Iyotaƞḣc̄i, Woṫaƞiƞ Waṡte el tokel uƞkigluhapi ki Christ uƞyuonihaƞpi kte ki he owa yaƞke ki he uƞkolepi kte. Heċel ake wauƞkiċiƞyaƞkapi naƞiƞṡ heċetu ṡni eṡa, iyuha hel ogna wilukcaƞpi ki he onaċiḣ'uƞpi kte. Iyuha witaya hel ogna ṡkiƞniċiyapi ki Woṫaƞiƞ Waṡte ki ota wiċalapi kte.

1 Timothy 6:11

Timothy, Wak̇aƞṫaƞka niyuha ki heuƞ taku ṡiċa ki hetaƞhaƞ iḣayab nigluziƞ kte. Wak̇aƞṫaƞka ṫaoiye ki aiyeċel nigluha yaċiƞ ki he waṡte kte. Waċiƞye pic̄a yauƞ kte, wauƞṡiyala kte, waċiƞniyapi, na waḣwayela yauƞ kte.

James 2:18

Iṫo tuwe waƞ heċetula ṡni na heyiƞ kte, "Woeċuƞ waƞnilya wowiċala yuhapi okihipi." Leċel abluptiƞ kte, "Woeċuƞ waƞnilya wowiċala luha oyakihi ke he ki he yagluwiċayak̇a oyakihi ki, miṡʹeya woeċuƞ yuha wowiċala ki he eċamuƞ kta wagluwiċakiƞ kte lo." Eye.

1 Peter 2:9

Ok̇olakiċiye Wak̇aƞ ki he niyepi, Wak̇aƞṫaƞka niċaḣniġapi na ṫaoyate nikaġapi heċel ṫawowaṡte ki hena olakapi kta uƞ, niṫawaċiƞpi ki oiyokpaze iyeċel el yauƞpi waƞ hehaƞ waayablezapi ṡni, eyaṡ waƞna hena ayablezapi na lena laoṫaƞiƞpi kte. Wowapi Wak̇aƞ el leċel owapi,

James 1:21

Ċa t̄ak̄u ṡic̄a eċanup̄i sʹa waƞ hena ek̄iġnak̄ap̄o. Na Wak̇aƞṫaƞk̄a etkiya uƞṡiicʹiyap̄i na woṫaƞiƞ waṡte ċaƞt̄emahel oyegnak̄ap̄i ki he glusʹuƞp̄o, he uƞ yanip̄i ktelo.

1 Timothy 4:12

Na niṫeċa ki he uƞ tuweni oiniḣawiċayakiyiƞ kte ṡni. Eyaṡ etaƞ Wak̇aƞṫaƞka wiċalapi ki hena wiċiṫokabya taƞyaƞ nigluha kte, wowiċala na wowauƞṡila ki hena taƞyaƞ eċanuƞ kte.

James 3:1

Mitakuyepi, wauƞspewiċakiyapi ki he iyuha heuƞċapi kta iyeċetu ṡni. Eṡʹeyaṡ, wauƞspewiċakiyapi ki hena eċiyataƞhaƞ taƞyaƞ igluhapi kte.

Ephesians 4:2

Uƞṡii'ċ'iya, na waḣwayela opiniċ'iyapi kte, waċiƞṫaƞgya etaƞ woec̄uƞ gluṡnapi kʹuƞ hena uƞṡiwiċayalakapi kte,

1 Peter 3:4

Eṡ eyaṡ waḣwayela opiiċ'iyapi na ċaƞte waṡteya yauƞpi ki he ihaƞkeya Wak̇aƞṫaƞka iyokipiye ki he e yelo.

1 Peter 1:15

Wak̇aƞṫaƞka ṫawokiċuƞze el oyate ki tokel igluhapi kte ki iyeċel uƞpo, Iċiƞ Wak̇aƞṫaƞka wak̇aƞ na iye ċa nikaḣniġe.