James 2:5 - Lakota Portions

⁵ Mitakuyepi, nuƞġe yuwaƞkal ikikc̄upi na anaġoptaƞpo. Wak̇aƞṫaƞka oyate eya uƞṡikapi ki hena wiċakḣniġe, eċiƞ hena ṫawowiċalapi ki waṡʹake ki heuƞ. [Uƞṡikapi ki ṫawowiċalapi ki waṡʹakapi uƞ Wak̇aƞṫaƞka wiċakaḣniġe.]

James 2:5 Referans Kwoze

Luke 6:20

Jesus ihakab-uƞpi waƞ hena awiċagluta na hewiċakiye, “Uƞniṡikapi ki hena ċaƞteniwaṡtepi kte. “Wak̇aƞṫaƞka ṫawokiċuƞze ki he niṫawapi kte.

Luke 12:21

“Tuwa leċel wateḣila na wauƞṡila ṡni na woyuha uƞ iṡnala iwaṡteicʹiyiƞ na igluwijic̄a haƞtaƞṡ, Wak̇aƞṫaƞka iṫokabya inajiƞ kihaƞ, wiċaṡa ihaƞkeya uƞṡika heċa ktelo.”

1 Peter 1:4

Maḣpiya wokiċuƞze el, Wak̇aƞṫaƞka, taku waƞ niċiyuwiƞyeya, he tohiƞniya okukiƞ kte ṡni, naiƞṡ yuṡiċapi okihipi kte ṡni, naiƞṡ yutakuƞni okihipi kte ṡni.

James 1:12

Oteḣi iyaglep̄i eyaṡ t̄uwa wowic̄ala sut̄aya glusʹuƞp̄i na kpaptap̄i ki hena wiċayawaṡte ktelo, ċiƞ Wak̇aƞṫaƞk̄a teḣilap̄i waƞ hena wiċoni oihaƞk̄e wanilya wayaƞk̄ap̄i ktelo.

Luke 12:32

“Mitakuyepi wak̇okiṗapi ṡni yo! Wak̇aƞṫaƞka ṫawokiċuƞze ki he yuhaniċiyapi ċiƞ yelo.

James 1:9

[Oyate eya Wak̇aƞṫaƞka wiċalapi na tuwepi ṡni iċ'iglawapi ki hena iyuṡkiƞiċ'iyapi kte iyeċetu, eċiƞ Wak̇aƞṫaƞka hena yuwaƞkal wiċakiċuwa.

2 Timothy 4:8

Wak̇aƞṫaƞka iyokipiwaye ki heun woohiye waƞ uƞ wateṡlagmakiyiƞ kte. Tuwe ki iyuha akiċiyela ċaƞtewiċayuze, heuƞ aƞpetu waƞ el wiċayasupi ki woohiye waṡte waƞ uƞ wateṡlagmakiye ki he, na tuwe ki iyuha waktapi na oṗapi ċiƞpi ki hena k̇o wiċakʹu kte.

1 Timothy 6:18

Taku waṡte eċuƞpiċa ki hena ecuƞ wiċayaṡi kte, na uƞṡikapi ki hena owiċakiyapi kte. Wijiċapi ki hena ċaƞtewaṡteya ṫawoyuhapi ki hena yunayekiyapi kte.

Luke 16:25

Eyaṡ Abraham leċel ayupte, “Mitakuye, yeksuya hwo, yani wahehaƞ taku waṡteṡte iyuha luha na Lazarus iƞṡ taku ota naokpaniyaƞ uƞ, eyaṡ iye wana taƞyaƞ uƞ na niye wana wokakije el yauƞ.

2 Peter 1:11

Hehaƞl Iṫaƞċaƞ na Wanikiya Jesus Christ ṫawokiċuƞze el yai kihaƞ, woyuonihaƞ waƞ oihaƞke waƞil uƞ taƞyaƞkel niyuonihaƞ kte.

2 Timothy 4:18

Wak̇aƞṫaƞka taku ṡiċe ki etaƞhaƞ ohiƞniya taƞyaƞ mayuha, na maḣpiya wokiċuƞze ki hel taƞyaƞ amaki kte. Woyuonihaƞ uƞ ohiƞniya uƞyataƞpelo! Ho heċetu welo.

2 Thessalonians 1:5

Wak̇aƞṫaƞka taku ki hena eċiyataƞhaƞ, taku ki iyuha taƞyaƞ eċuƞ ki he uƞkablezapi. Na He ṫawokiċuƞze waƞ u kte ki he el yauƞpi kta inċipipi uƞ iyotiyeyakiyapi.

Ephesians 3:8

Oyate eya yuwaƞkal wiċayuzapi ohaƞ wauƞ na matuweni ṡni eṡʹa Wak̇aƞṫaƞka uƞṡimala na miye ċa oyate ṫokṫokċapi ki hena owiċawakiyakiƞ kta makaḣniġe, heċel iƞṡʹeya Christ el taku ihaƞkeya waṡteṡte ċa yuhapiċa yaƞke ki hena iƞṡʹeya yuhapi okihipi kte.

Luke 16:22

Wiċaṡa uƞṡika ki le tʹe, yuƞk̇aƞ ogligle eya Abraham isakibya yuonihaƞ iyotagkiyapi. Wiċaṡa wijic̄a ki he iƞṡ-eya tʹiƞ na ḣapi.

James 1:16

Mit̄ak̄uyep̄i, icʹignayaƞp̄i ṡni yo!

1 Thessalonians 2:12

Wiċoni niṫawa ki uƞ tokel Wak̇aƞṫaƞka luonihaƞ kte he ognayaƞ blihel uƞniyaƞpi kte ḣc̄iƞ, na he ognayaƞ wahokuƞ uƞniċiyapi. Wak̇aƞṫaƞka ṫawokiċunze na ṫawowitaƞ ki hena iyoniwaja kta niċaḣniġe.

Ephesians 1:18

Niṫawaċiƞpi ki uƞ waablesniċiyapi kte, heċel taku waƞ waktaya ayaṗe kʹuƞ he oyakaḣniġiƞ kte. Hehaƞl wiċayawaṡtepi oṫaƞṫuƞka waƞ yaƞke ki he niye na Wak̇aƞṫaƞka ṫaoyate kʹuƞ hena ob waƞlakiƞ kte.

Luke 22:29

Ċa takuku oiniṫaċaƞpi ki he wowaṡʹake ċicʹupi kte, Atewaye ki miṡ-eya wowaṡʹake makʹu ki aiyeċel.

Mark 7:14

Hehaƞl Jesus oyate ki ik̇aƞyela u wiċaṡi na hewiċakiye, “Anamaġoptaƞpo na omakaḣniḣ waċinpo.

James 1:19

Mit̄ak̄uyep̄i, le k̄iksuyap̄o! Waƞc̄ag woglak̄ap̄i kte ṡni eyaṡ t̄aƞyaƞ wanaḣʹuƞp̄i na ċaƞzek̄ap̄i kte ṡni he eċa awaċiƞp̄i kte.