James 2:19 - Lakota Portions

¹⁹ Wak̇aƞṫaƞka waƞjila ki he wiċayala. He waṡte. Eyaṡ wak̇aƞṡiċapi hena ekeyaṡ iƞṡʹeya heċel wiċalapi, na k̇okiṗapi uƞ ċaƞċaƞpi.

James 2:19 Referans Kwoze

Luke 4:34

“Jesus! Nazareth etaƞhaƞ, taku uƞ yahi hwo? Ihaƞguƞyayapi kta uƞ yahi hwo? Wak̇aƞṫaƞka ṫawahoṡiye ki he niye ċa slolċiyelo!” ṡic̄ahowaiyaye.

Mark 1:24

na Jesus hekiye, “Takuwe paġeuƞyayapi hwo? Lel yau na ihaƞguƞyayapi kta yaċiƞ hwo? Nituwe ki slolwayelo, Wak̇aƞṫaƞka ṫawaayaṫaƞiƞ wak̇aƞ kʹuƞ he le niye yelo.”

Mark 5:7

na hoṫaƞka leye, “Jesus, Wak̇aƞṫaƞka iyotaƞ waƞkatuya ċiƞc̄a, tok̇amayauƞ kta hwo? Wak̇aƞṫaƞka caje ki uƞ kakiṡmakiye ṡni yo.”

1 Timothy 2:5

Wak̇aƞṫaƞka waƞjila, na Jesus Christ eċela Wak̇aƞṫaƞka el uƞkaupi okihi. Jesus ikc̄e wiċaṡa mak̇a akaƞl el wiċaṫuƞpi iyeċel hi, na uƞnipi kta uƞ wiċuƞtʹe el icʹicʹu.

Mark 12:29

Jesus ayupte, “Waƞji ihaƞkeya waƞkatuya ki le e: 'Israel anaġoptaƞ yo! Iṫaƞċaƞ Wak̇aƞṫaƞka ki he uƞkiṫawapi na he ec̄ela Iṫaƞċaƞ.

Jude 1:6

Maḣpiya ogligle eya maḣpiyawokiċunze el woeċuƞ ṫawapi ki agluṡtaƞpi ki he onayaḣ'uƞpi. Wak̇aƞṫaƞka maza wik̇aƞ uƞ hena mak̇a oḣloka oiyokpaze el kaṡka ewiċagnake, aƞpetu ihaƞke ekta tuwe ki iyuha wiċayasupi ki hehaƞyaƞ.

James 2:8

Wowapi Wak̇aƞ el wooṗe iyotaƞ ṫokakiyapiḣc̄i ki he tuwepi eṡa, waṡte niglake ki he iyeċel, tewiċayaḣila kte.

Jude 1:4

Wiċaṡa eya takuƞni wiċalapi ṡni na waoholapi ṡni ċa, naḣma opiiċ'iyapi na uƞkʹuƞpi ohaƞ ahiyu na heyapi, "Wak̇aƞṫaƞka uƞṡiuƞlapi uƞ takuƞni ṡiċa uƞkaiyukc̄aƞpi kte ṡni, ċa waiċiḣaḣaya opiuƞkiċ'iyapi kʹeyaṡ itok̇a kte ṡni," eyapi. Jesus Christ Iṫaƞċaƞ uƞyaƞpi na ohouƞlapi ki he heċetu lapi ṡni. Eyaṡ ehaƞni Wowapi Wak̇aƞ el oyate eya leċel ṡilya opiiċ'iyapi ki hena aiyeċel wiċayasupi kte ki he iwahouƞyapi.

Mark 7:9

Na Jesus ake leye, "Wak̇aƞṫaƞka ṫawooṗe ki wayupiya ipayeḣ eyagnakapi ċa wiċaṡa ṫawooṗe ki yuwaƞkal luzapi ktelo.