James 1:9 - Lakota Portions

⁹ [Oyate eya Wak̇aƞṫaƞka wiċalapi na tuwepi ṡni iċ'iglawapi ki hena iyuṡkiƞiċ'iyapi kte iyeċetu, eċiƞ Wak̇aƞṫaƞka hena yuwaƞkal wiċakiċuwa.

James 1:9 Referans Kwoze

Luke 1:52

Wiċaṡa-yataƞpi hena ṫawokiċuƞze etaƞhaƞ wiċakaḣpe, na uƞṡikapi ki hena yuwaƞkab iwiċakikc̄u kte.

Philippians 3:14

Wasabgle waƞ he ki he etkiya ṡkiƞmiċ'iye, heċel maḣpiya ta woohiya waƞ he ki he ohiwayiƞ kte. Christ Jesus taku waƞ yuṡtaƞ egnake ki heuƞ Wak̇aƞṫaƞka woohiye ki le kaġe.

Philippians 3:3

Eyaṡ uƞkiyepi ċa wak̇aƞyaƞ ċeḣpi wawiċaksapi woeċuƞ ki he uƞkʹupi, eċiƞ Woniya Wak̇aƞ ki iyoḣlogya Wak̇aƞṫaƞka ċeuƞkiyapi na Christ Jesus uƞyuonihaƞpi. Na taku eċuƞkʹuƞpi ki hena uƞ uƞkiglataƞtaƞpi kte ṡni,

Luke 10:20

Eyaṡ wak̇aƞ-ṡic̄a ki kaḣeyab iyayewiċayapi oyakihipi ki heuƞ ec̄ela iluṡkiƞpi kte ṡni, kʹeyaṡ ṫokata taƞyaƞ wiċouƞ he oniṗapi kte ki heuƞ iluṡkiƞpi ktelo,” eye.

Luke 9:48

Na hewiċakiye, “Tuwe wak̇aƞyeja ki le miċaje uƞ iyuṡkiƞya ic̄u haƞtaƞṡ, miṡ-eya imac̄u iyeċec̄a kte. Na tuwe ċaƞtewaṡteya imac̄u kihaƞ Wak̇aƞṫaƞka nakuƞ ic̄u iyeċec̄a kte. Nahaƞ tuwa ihaƞkeya wauƞṡila na waokiye ki he eċa Wak̇aƞṫaƞka oiṫaċaƞkiyiƞ ktelo,” eye.

1 Peter 2:9

Ok̇olakiċiye Wak̇aƞ ki he niyepi, Wak̇aƞṫaƞka niċaḣniġapi na ṫaoyate nikaġapi heċel ṫawowaṡte ki hena olakapi kta uƞ, niṫawaċiƞpi ki oiyokpaze iyeċel el yauƞpi waƞ hehaƞ waayablezapi ṡni, eyaṡ waƞna hena ayablezapi na lena laoṫaƞiƞpi kte. Wowapi Wak̇aƞ el leċel owapi,

Luke 14:11

Tuwe waƞkal iglawa haƞtaƞṡ yuhukul iyeyapi kte, na tuwe uƞṡiicʹiya haƞtaƞṡ oyate wiċiṫokabya yuonihaƞpi ktelo.”