James 1:4 - Lakota Portions

⁴ Eyaṡ ḣic̄ahe ṡniyaƞ waċiƞṫaƞgya uƞpo. Heċel niṫawaċiƞ ki waniṡʹak̄ap̄i ktelo.

James 1:4 Referans Kwoze

1 Peter 5:10

Eyaṡ Wak̇aƞṫaƞka ṫawowauƞṡila ki he, wowaṡi eċuƞpi ṡni eyaṡ iṡi wiċakʹupi ki he iyeċel, tuwe ki iyuha wiċ'upi, ċa heuƞ Christ Jesus ṫawowinihaƞ waṡteḣc̄a ki he owaja nikiyapi kte. Otohaƞyaƞ nikakijiƞ kte, [eyaṡ Wak̇aƞṫaƞka onikiyiƞ kte heċel atayakel waṡʹagniyiƞ kte.]

Luke 21:19

Wic̄amayalapi ki ogna oihaƞke wanilya niyauƞpi ktelo.

2 Timothy 3:17

Wowapi-Wak̇aƞ ki he Wak̇aƞṫaƞka ṫawowaṡipi ki hena le uƞ taku ota waṡteṡte eċuƞ uƞspeiċ'iċiyapi kte.

James 3:2

Iyuha taku ota uƞgluṡnapi. Eyaṡ tokel woyaglake ki he awaƞyaƞglaka oyakihi haƞtaṡ, ṫaƞkakel wilukc̄aƞ na oniċ'igluspa oyakihi kte.

James 1:5

Na woksap̄e iniyuċaƞp̄i haƞt̄aƞṡ Wak̇aƞṫaƞk̄a ċek̄iyap̄o. Waableza onic̄iyap̄i kte, ċiƞ Wak̇aƞṫaƞk̄a wauƞṡila yelo.

Luke 8:15

Na su eya owoju waṡte el hiƞḣpaye ki hena oyate eya woṫaƞiƞ-waṡte ki naḣʹuƞpi na ċaƞlwaṡteya na owoṫaƞla ċaƞteokignakapi. Lena sutaya manipi na wiċoni waṡte ṫawapi.

2 Peter 1:9

Eyaṡ le naokpaniya yauƞ haƞtaƞnaṡ, wiċaṡa waƞ iṡtaġuġa ki he iyeċel yauƞ, eċiƞ ehaƞni wayaḣtani sʹa tk̇a he eyaktuƞje ki heuƞ.

Luke 18:22

Jesus le naḣʹuƞ hehaƞ heye, “Taku waƞ ehake eċanu ktelo. Waluha ki hena iyuha wiyoṗekiya yo. Na iyayiƞ na mazaska ki uƞṡike ki wiċakʹu wo. Hel ogna Wak̇aƞṫaƞka ṫawokiċuƞze ekta wijic̄a yauƞ ktelo. Na hehaƞl hiyu na mihakab uƞ wo,” eye.

Mark 10:21

Jesus owoṫaƞla uƞṡilaka ognayaƞ ayuta na hekiye, “Taku waƞjila yaċiƞ yelo. Iyayiƞ na taku luha ki hena wiyoṗeyiƞ na uƞṡika ki hena mazaska ki wiċakʹu wo, kihaƞ maḣpiyata woohiye nicʹiċaġiƞ ktelo. Na hehaƞl mihakab yau ktelo.”

1 Thessalonians 5:23

Wak̇aƞṫaƞka waƞ wolakota oyate ki ċiƞwiċakiye ki he woohola niċ'u kta. Na Iṫaƞċaƞ Jesus Christ gli ṡni hehaƞyaƞ, ninaġi ki, ena niṫaċaƞ ki wozaƞni niċ'u kte.