James 1:21 - Lakota Portions

²¹ Ċa t̄ak̄u ṡic̄a eċanup̄i sʹa waƞ hena ek̄iġnak̄ap̄o. Na Wak̇aƞṫaƞk̄a etkiya uƞṡiicʹiyap̄i na woṫaƞiƞ waṡte ċaƞt̄emahel oyegnak̄ap̄i ki he glusʹuƞp̄o, he uƞ yanip̄i ktelo.

James 1:21 Referans Kwoze

Ephesians 4:22

Witkoya wilukcaƞpi ki he niyutakuƞi kte ṡni ċa oniċiyakapi, ṡiċaya yauƞpi ki hetaƞhaƞ iḣayab ilalapi ki waṡte kte.

Ephesians 1:13

Christ nakuƞ wowiċake ki niċahipi, Woṫaiƞ Waṡte ki le tokel naġiwiċayukinipiċa ki he e. Christ wiċayala ki he, na Wak̇aƞṫaƞka niyuha ki he Woniya Wak̇aƞ ki ikaḣlogya ablesniċiye.

1 Peter 2:11

Mitakuyepi, ċaƞte etaƞhaƞ woċiċiyakapi kta ċa taƞyaƞ anamaġoptaƞpo. Lel oyate ṫokc̄a heniċapi. Ċa taku waṡte ṡni eya niyuhuƞkapi ṡni ki hena etaƞ iḣeyab eċuƞpo.

1 Peter 2:1

Wawoyusiƞkapi etaƞhaƞ igluḣlayapo! Oyate ki wiċagnaya iyuṫapi ṡni yo, nahaƞ e e ċaƞtekiċ'uƞyaƞ uƞpo. Oyate anawiċawizipi ṡni na ṫawaċiƞ hiƞyaƞzaƞya owiċakuwapi ṡni yo.

James 4:8

Wak̇aƞṫaƞka ikiyela u wo, ki iƞṡʹeya nikiyela u kte. Takuƞni itok̇aṡniyaƞ yauƞpi ki hena wiċoni apikiyapo. Waċiƞ ninuƞpapi ki waƞjilakiya wiyukc̄aƞpi na ṫawaċiƞ ohokilapo.

Titus 2:11

Wak̇aƞṫaƞka ṫawowauƞṡila ki kpazo, oyate ki wiċoni wiċakahi ki he ṫaƞiƞyaƞ wauƞyaƞkapi.

1 Thessalonians 2:13

Woṫaƞiƞ Waṡte ki uƞ wahokuƞ uƞniċiyapi waƞ hehaƞ wiċayalapi. Wowiċala ki he ikc̄e wiċaṡa ċa iyukc̄aƞ ṡni tk̇a, he Wak̇aƞṫaƞka etaƞhaƞ u ċa wiċayalapi, na waƞna wiċoni niṫawa ki he wilagye.

1 Peter 1:9

Heuƞ ċa wowiċala luha.

1 Thessalonians 1:5

Woṫaƞiƞ Waṡte ki uƞkoniċiyakapi waƞ hehaƞ woiye hena ecela ṡni tʹka, Woniya Wak̇a ki eċa taku heċetu ki hena slolyeniċiyapi. Niohaƞ uƞkʹuƞpi waƞ hehaƞ tokel opiuƞkiċ'iyapi ki he wauƞyalakapi na heuƞ ouƞniċiyapi uƞkokihipi.

Ephesians 5:4

Witkotkogya, na woiye ṡikṡiċe ki hena uƞpi ṡni yo. Eeyaṡ wopila ṫaƞka luha ki he oglakayo.

Ephesians 4:25

Ok̇olakiċiye-wak̇aƞ ki he uƞwaƞjipi. Kiċignayaƞpi ṡni na okiċiwak̇aƞk̇aƞpi ṡni yo.

James 5:20

Waḣtaƞnipisʹa etaƞ awiċayakupi kihaƞ, wiċotakuni ṡni etaƞ niwiċayapi kte, na taku ota gluṡnapi kʹuƞ hena ewiċakiktuƞjapi kte.]

1 Peter 1:22

Taku heċetu ki he wiċayalapi, na heuƞ naġi niyawaṡtepi. Ċa he uƞ ċaƞte etaƞhaƞ tekiċiḣila yauƞpi. Na heċel yauƞpi ki waṡte kte.