James 1:19 - Lakota Portions

¹⁹ Mit̄ak̄uyep̄i, le k̄iksuyap̄o! Waƞc̄ag woglak̄ap̄i kte ṡni eyaṡ t̄aƞyaƞ wanaḣʹuƞp̄i na ċaƞzek̄ap̄i kte ṡni he eċa awaċiƞp̄i kte.

James 1:19 Referans Kwoze

Ephesians 4:26

Caƞzenihiƞglapi uƞ waḣtanipi ṡni yo. Inuƞkapi ṡni hehaƞyaƞ ċaƞzekapi ṡni

Ephesians 4:31

Oyate ki awiċaċaƞyazekiƞ ṡni, na oċaƞzelya yauƞ ki uƞ oċiƞniṡiċe kʹuƞ he hehaƞyaƞ heċuƞ ṡniyo. Tuweni ċuƞzeya akiċiyuptapi ṡni yo, na iċaptahaƞpi ṡni yo, na tuweni wauƞspepi ṡni iyeċel okiċiċuwapi ṡni yo.

James 1:26

[Iċetuḣc̄iya nigluhapi keċaƞnipi, kʹeyaṡ iwaniṡiċupi haƞtaƞnaṡ niċ'ignayapi, na tokehc̄i taƞyaƞ nigluha keċaƞni kʹuƞ he initukuni kte ṡni.

1 Thessalonians 2:13

Woṫaƞiƞ Waṡte ki uƞ wahokuƞ uƞniċiyapi waƞ hehaƞ wiċayalapi. Wowiċala ki he ikc̄e wiċaṡa ċa iyukc̄aƞ ṡni tk̇a, he Wak̇aƞṫaƞka etaƞhaƞ u ċa wiċayalapi, na waƞna wiċoni niṫawa ki he wilagye.

Luke 19:48

Ho eyaṡ tuktognani okihipi ṡni, oyate ki lila Jesus oiye naḣʹuƞpi ċa.

Mark 2:2

Ho ċa, Jesus uƞ ki hel lila wiċotapi, tiyopa etu wiċahe. Ho, hel Jesus wahokuƞwiċakiye

Luke 15:1

Waḣpa-wokaiju-pahipi ki na waḣtanipi sʹa hena Jesus taku eye ki hena naḣʹuƞ ċiƞpi na paokiyuṫapi.

Mark 12:37

David ekeyaṡ Iṫaƞċaƞ miṫawa ki ekiye, ċa tokeṡke he Messiah ki David wiċoiċaġe etaƞhaƞ keyapi kta hwo?” Wiċota Jesus woglaka ċa iyuṡkiƞyaƞ el anaġoptaƞ najiƞpi.

James 1:2

Mit̄ak̄uyep̄i, takuku iyaniglep̄i hena eha wap̄i icʹiyap̄o.

James 1:16

Mit̄ak̄uyep̄i, icʹignayaƞp̄i ṡni yo!

James 2:1

Mitakuyepi, Iṫaƞċaƞ Jesus Christ wiċayalapi haƞtaƞnaṡ oyate ki iyuha akiyehaƞ owiċayakuwapi kte.

James 2:5

Mitakuyepi, nuƞġe yuwaƞkal ikikc̄upi na anaġoptaƞpo. Wak̇aƞṫaƞka oyate eya uƞṡikapi ki hena wiċakḣniġe, eċiƞ hena ṫawowiċalapi ki waṡʹake ki heuƞ. [Uƞṡikapi ki ṫawowiċalapi ki waṡʹakapi uƞ Wak̇aƞṫaƞka wiċakaḣniġe.]

James 4:11

Mitakuyepi, woiye ṡikṡiċa uƞ tuweni awaiyewiċakiyapi ṡni yo! Heċanuƞpi ki, naiƞṡ tuwa laṡiċapi haƞtaƞnaṡ, Wak̇aƞṫaƞka ṫawooṗe ki he laṡiċapi iyeċeċa yelo. Na Wooṗe ki he laṡiċapi ki, Wooṗe ki he iwaƞkab nigluzapi na he ahoyaṗapi ṡni naiƞṡ

James 5:12

[Mitakuyepi, yuġal woglakapi ṡni yo. Maḣpiya na mak̇a eċiyataƞhaƞ woiċ'iċuƞze kaġapi ṡni yo. "Ohaƞ" naƞiƞṡ "Hiya" heċegla ehiƞ kte. Isaƞm takuƞl eha haƞtaƞnaṡ he uƞ woyaṡiċa uƞ niyasupi kte lo.]

James 5:19

Mitakuyepi, niyepi etaƞhaƞ waƞji wowiċake etaƞhaƞ ḣayab iyaye kihaƞ, hektakiya yaglokupi kta iyeċetu.