James 1:17 - Lakota Portions

¹⁷ T̄ak̄u waṡte ki hena iyuha maḣpiyat̄aƞhaƞ Wak̇aƞṫaƞk̄a et̄aƞhaƞ u welo. K̇o wi ki iyoyaƞpakiye na he mak̇a glak̄iƞyaƞ ṫogṫogya aiyohaƞze, eyaṡ Wak̇aƞṫaƞk̄a heċel igluṫokc̄a ṡni yelo.

James 1:17 Referans Kwoze

James 3:17

Wak̇aƞṫaƞk̄a woksap̄e uƞ ewiċak̄aṫaƞ ki hena ṫawaċiƞ ki waṡtep̄i, na waḣwayela opiicʹiyap̄i, na wauƞṡilap̄i, na oyate ki oiye iwiċac̄up̄i, wakip̄ajiƞp̄i ṡni, na ċaƞt̄ek̄icʹuƞya waeċuƞp̄i.

Ephesians 2:8

Wak̇aƞṫaƞka ṫawowaṡte ki ogna wiċoni luhapi. Wicayala heuƞ heċetu. Niṡnala wiċoni iyac̄u oyakihipi ṡni. Wak̇aƞṫaƞka eċa niuƞyaƞpi. Ċa takuni uƞ niglataƞ oyakihipi ṡni yelo.

Luke 11:13

Tohaƞyaƞ niṡic̄api kʹeyaṡ, niċiƞc̄api ki taku waṡte wiċayakʹupi kte ki he uƞnispepi. Eyaṡ isamya Wak̇aƞṫaƞka tona Woniya-Wak̇aƞ kilapi kihaƞ wiċakʹu ktelo,” eye.

Ephesians 1:18

Niṫawaċiƞpi ki uƞ waablesniċiyapi kte, heċel taku waƞ waktaya ayaṗe kʹuƞ he oyakaḣniġiƞ kte. Hehaƞl wiċayawaṡtepi oṫaƞṫuƞka waƞ yaƞke ki he niye na Wak̇aƞṫaƞka ṫaoyate kʹuƞ hena ob waƞlakiƞ kte.

James 1:5

Na woksap̄e iniyuċaƞp̄i haƞt̄aƞṡ Wak̇aƞṫaƞk̄a ċek̄iyap̄o. Waableza onic̄iyap̄i kte, ċiƞ Wak̇aƞṫaƞk̄a wauƞṡila yelo.

James 3:15

Leċel wiyukc̄aƞp̄i hena Wak̇aƞṫaƞk̄a ṫawoksap̄e yuhap̄i ṡni. Wak̇aƞṫaƞk̄a ektuƞṡya wiyukc̄aƞp̄i na iṡna-ihaicʹiktap̄elo. Lena wak̇aƞ-ṡic̄a ki ṫawoeċuƞ.

Philippians 1:29

Christ ṫa wowiċala ki luha uƞ woteḣi waƞlake. Tk̇a he uƞ niyawaṡte.

1 Timothy 6:16

Wak̇aƞṫaƞka eċela owihaƞke wanilya niuƞ! Na ṫouƞ ki he wak̇aƞ ċa tuweni ik̇aƞyela u okihi ṡni. Ikċewiċaṡa waƞjini tohiƞniya Wak̇aƞṫaƞka waƞyaƞke ṡni na tohiƞniya wanyaƞka okihi ṡni. Wak̇aƞṫaƞka yuonihaƞpi kte, na woyuonihaƞ na wowaṡʹake ki hena ṫawa! Ho heċetuwelo.