James 1:12 - Lakota Portions

¹² Oteḣi iyaglep̄i eyaṡ t̄uwa wowic̄ala sut̄aya glusʹuƞp̄i na kpaptap̄i ki hena wiċayawaṡte ktelo, ċiƞ Wak̇aƞṫaƞk̄a teḣilap̄i waƞ hena wiċoni oihaƞk̄e wanilya wayaƞk̄ap̄i ktelo.

James 1:12 Referans Kwoze

1 Peter 5:10

Eyaṡ Wak̇aƞṫaƞka ṫawowauƞṡila ki he, wowaṡi eċuƞpi ṡni eyaṡ iṡi wiċakʹupi ki he iyeċel, tuwe ki iyuha wiċ'upi, ċa heuƞ Christ Jesus ṫawowinihaƞ waṡteḣc̄a ki he owaja nikiyapi kte. Otohaƞyaƞ nikakijiƞ kte, [eyaṡ Wak̇aƞṫaƞka onikiyiƞ kte heċel atayakel waṡʹagniyiƞ kte.]

James 5:11

Job lila k̄ak̄ije eyaṡ waċiƞṫaƞk̄a ki he onayaḣʹuƞp̄elo. Heuƞ ċa Wak̇aƞṫaƞk̄a Job okiye. Wak̇aƞṫaƞk̄a lila wauƞṡila yelo.

1 Peter 3:14

Taku heċetu ki hena eċanuƞ ki heuƞ woteḣi waƞlakiƞ kte, kʹeyaṡ heuƞ Waƞk̇aƞṫaƞka niyawaṡte kte. Ċa oyate eya waḣtenilapi ṡni ki hena k̇owiċakiṗe ṡni yo.

2 Timothy 4:8

Wak̇aƞṫaƞka iyokipiwaye ki heun woohiye waƞ uƞ wateṡlagmakiyiƞ kte. Tuwe ki iyuha akiċiyela ċaƞtewiċayuze, heuƞ aƞpetu waƞ el wiċayasupi ki woohiye waṡte waƞ uƞ wateṡlagmakiye ki he, na tuwe ki iyuha waktapi na oṗapi ċiƞpi ki hena k̇o wiċakʹu kte.

James 2:5

Mitakuyepi, nuƞġe yuwaƞkal ikikc̄upi na anaġoptaƞpo. Wak̇aƞṫaƞka oyate eya uƞṡikapi ki hena wiċakḣniġe, eċiƞ hena ṫawowiċalapi ki waṡʹake ki heuƞ. [Uƞṡikapi ki ṫawowiċalapi ki waṡʹakapi uƞ Wak̇aƞṫaƞka wiċakaḣniġe.]

1 Peter 5:4

Heċel nigluha ki tohaƞl Christ he Oiṫaƞċaƞḣc̄i ki he gli kihaƞ, woohiye waƞ woiṫuƞṗe oihaƞke ṡni ċa uƞ wateṡlag nikiyapi kte.

1 Peter 4:13

Christ ṫaƞtaƞhaƞ uƞ leċel teḣi waƞlakiƞ kte, eyaṡ ṗe yuwaƞkal ikikc̄upi na bliheliċ'iyapo. Leuƞ saƞmṗaya wowiyuṡkiƞ waƞ ihaƞkeya ṫaƞka ċa waƞlakiƞ kte, tohaƞl Christ ake gli kihaƞ.

Luke 6:22

“Wiċaṡa-Ċiƞkṡitku ki ṫaƞtaƞhaƞ niyaṡiċapi na iniḣaḣapi na ok̇olaicʹiyapi hetaƞhaƞ iḣpeniyapi eyaṡ Wak̇aƞṫaƞka niyawaṡte ktelo.

2 Timothy 2:15

Wak̇aƞṫaƞka etkiya iċ'ic̄'uya wowaṡi eċanu kte, na taku heċetu ki hena iṡteċeṡniyaƞ olakiƞ kte.

1 Peter 4:14

Wokakije ki he tuweni waṡtelake ṡni, eyaṡ Christ uƞ ṫaƞtaƞhaƞ kakiṡnikiyapi haƞtaƞnaṡ wapi iglawapo. Woniya Wak̇aƞ ki niċi uƞ ki waƞyaƞkapi kte.