2 Peter 3:9 - Lakota Portions

⁹ Wak̇aƞṫaƞka taku eye kʹuƞ hena ḣ'aƞhiya eċuƞ ṡni, eyaṡ taku eye kʹuƞ hena ektuƞja keċiƞpi. Eṡʹeyaṡ, Wak̇aƞṫaƞka oyate ki nunipi ċiƞ ṡni na niwiċaya ċiƞ kʹuƞ heuƞ waċiƞṫaƞgya owiċakuwa.

2 Peter 3:9 Referans Kwoze

1 Timothy 2:4

Wak̇aƞṫaƞka tuwe ki iyuha ċaƞteowiċagnake na he iye wiċaṡa owasʹiƞ nipi, na wowiċak̇e slolyapi ki el hipi kte ki he ċiƞ, he le e,

2 Peter 3:15

Wak̇aƞṫaƞka oyate ki niwiċakiya ċiƞ kʹuƞ heuƞ waċiƞṫaƞgya owiċakuwa ki he ektuƞjupi ṡni yo. K̇ola Paul iƞṡʹeya wowapi waƞ niċaġapi na el leċel winiyaksapapi, woksape ki he Wak̇aƞṫaƞka kʹu ċa heuƞ leċel owa.

1 Timothy 1:16

Eyaṡ eċiƞ oyate ṡiċapi ki he mawaƞji ki heuƞ, Wak̇aƞṫaƞka uƞṡimala na tokel Christ Jesus oyete ki ċaƞtowiċagnake ki he iyeċel miṡʹeya wauƞṡiwala kta ċa makaḣniġe. Taku uƞ heċuƞ ki he oyate ki Christ wiċalapi na wiċoni oihaƞke waniċe ki he yuhapi kte.

1 Peter 3:20

Wak̇aƞṫaƞka Noah wata waƞ kaḣṡi waƞ hehaƞ, lena wanaḣ'uƞpi ṡni kʹeyaṡ waċiƞṫaƞgya owiċakuwa. Oyate etaƞ tuweweka ṡagloġaƞ wata el itimael iyayapi na mnitaƞ ṫaƞka etaƞ niwiċayapi.

2 Peter 1:4

Wak̇aƞṫaƞka woiwahoye eya woiṫuƞṗeya kaġe, na he ṫaoye ki iyeċel eċakel ogna wauƞ kte. Heċel taku heċetu ṡni eya uƞkawaċiƞpi na heċel wowiyutaƞ yaƞke ki hetaƞhaƞ iṫehaƞ uƞkoyuspapi kte.