2 Peter 3:2 - Lakota Portions

² Wak̇aƞṫaƞka ṫawahoṡiye ki tuku eya kaketu kta keyapi waƞ hena eċel eċetu. Wak̇aƞ wahoṡiye ki taku eya ehaƞni uƞspeniċiyapi kʹuƞ hena eyaktuƞjapi kte ṡni. Nahaƞ wahoṡiye ki Iṫaƞċaƞ uƞkiṫawapi na Wanikiya oiye kiċ'uƞya iwaho uƞyaƞpi waƞ hena uƞkiksuyapi kte.

2 Peter 3:2 Referans Kwoze

Jude 1:17

Mitakuyepi, Jesus Christ ṫawahoṡiye ki taku eya iwahoniyapi waƞ hena kiksuyapo.

2 Peter 2:21

Eyeṡ taku heċetu kʹuƞ he naḣ'uƞpi ṡni ki taƞyaƞ uƞpi tk̇a. Taku heċetu ki he slolyapi eyaṡ woahoṗe wak̇aƞ eya wiċakʹupi waƞ hetaƞ iḣayab iyayapi.

Luke 1:70

Oṫokahe heċiyataƞhaƞ, wiċaṡa-wak̇aƞ-waayaṫaƞiƞ ṫaoiye ognayaƞ uƞkokiyakapi, wanikiya waƞ hiyuyiƞ kta

Luke 24:44

Na lewiċakiye, “Niohaƞ wauƞ hehaƞ oċic̄iyakapi. Wowapi-Wak̇aƞ el taku omayakapi hena iyuha iyeċetu kta keṗe.”

Ephesians 2:20

Tipi waƞ taku waƞ uƞ sutaya hiƞ kte ki he Christ e. Na wahoṡiye wak̇aƞ eya e na wokċaƞ wiċaṡa eya oagle wiċayapi ki he niƞṡʹeya oṗaniċiyapi.

Luke 24:27

Hehaƞ Jesus Wowapi-Wak̇aƞ el woyakapi ki wiċakic̄iksuye. Moses e na wiċaṡa-wak̇aƞ-waayaṫaƞiƞ uƞma ki wowapi ki owiċakiyake.

2 Peter 3:15

Wak̇aƞṫaƞka oyate ki niwiċakiya ċiƞ kʹuƞ heuƞ waċiƞṫaƞgya owiċakuwa ki he ektuƞjupi ṡni yo. K̇ola Paul iƞṡʹeya wowapi waƞ niċaġapi na el leċel winiyaksapapi, woksape ki he Wak̇aƞṫaƞka kʹu ċa heuƞ leċel owa.

Ephesians 3:5

Tuweni le wowak̇aƞ ki slolyapi ṡni, wowak̇aƞ ki le slolyapi ṡni haƞni Woniya Wak̇aƞ ki wahoṡiye wak̇aƞ eya e na wokcan wiċaṡa eya le ableswiċakiye.

1 Timothy 6:14

Wowiċ'iċuƞze ki le na taku waƞ eċuƞniṡipi ki he, Jesus Christ gli ṡni ki hehaƞya ohiƞniya paṫokabya yagluziƞ kte. [ Verse markers need adjustment 13-14]

2 Peter 3:16

Paul ṫawowapi ki hena el taku iwouƞglakapi ki hena iƞṡʹeya iwoglake, eyaṡ taku eye ki hena huƞḣ ookaḣniḣ ṡiċe. Oyate eya waiyehaƞ wiyukc̄aƞ okihipi ṡni na ṫawaċiƞ hahalapi eya waeye ki hena kaipaweḣ oyakapi na uƞ ihaƞgiċ'iyapi. Wowapi Wak̇aƞ el nakuƞ takuku heċuƞpi.