2 Peter 3:15 - Lakota Portions

¹⁵ Wak̇aƞṫaƞka oyate ki niwiċakiya ċiƞ kʹuƞ heuƞ waċiƞṫaƞgya owiċakuwa ki he ektuƞjupi ṡni yo. K̇ola Paul iƞṡʹeya wowapi waƞ niċaġapi na el leċel winiyaksapapi, woksape ki he Wak̇aƞṫaƞka kʹu ċa heuƞ leċel owa.

2 Peter 3:15 Referans Kwoze

2 Peter 3:9

Wak̇aƞṫaƞka taku eye kʹuƞ hena ḣ'aƞhiya eċuƞ ṡni, eyaṡ taku eye kʹuƞ hena ektuƞja keċiƞpi. Eṡʹeyaṡ, Wak̇aƞṫaƞka oyate ki nunipi ċiƞ ṡni na niwiċaya ċiƞ kʹuƞ heuƞ waċiƞṫaƞgya owiċakuwa.

1 Timothy 1:16

Eyaṡ eċiƞ oyate ṡiċapi ki he mawaƞji ki heuƞ, Wak̇aƞṫaƞka uƞṡimala na tokel Christ Jesus oyete ki ċaƞtowiċagnake ki he iyeċel miṡʹeya wauƞṡiwala kta ċa makaḣniġe. Taku uƞ heċuƞ ki he oyate ki Christ wiċalapi na wiċoni oihaƞke waniċe ki he yuhapi kte.

1 Peter 3:20

Wak̇aƞṫaƞka Noah wata waƞ kaḣṡi waƞ hehaƞ, lena wanaḣ'uƞpi ṡni kʹeyaṡ waċiƞṫaƞgya owiċakuwa. Oyate etaƞ tuweweka ṡagloġaƞ wata el itimael iyayapi na mnitaƞ ṫaƞka etaƞ niwiċayapi.

James 3:17

Wak̇aƞṫaƞk̄a woksap̄e uƞ ewiċak̄aṫaƞ ki hena ṫawaċiƞ ki waṡtep̄i, na waḣwayela opiicʹiyap̄i, na wauƞṡilap̄i, na oyate ki oiye iwiċac̄up̄i, wakip̄ajiƞp̄i ṡni, na ċaƞt̄ek̄icʹuƞya waeċuƞp̄i.

Luke 21:15

Taku ehapi kte ki he iyeċetuya woksape ki ċicʹupi kte. Aniḣniyaƞpi waƞ hena waƞjini ananipta okihipi kte ṡni yelo.

James 1:5

Na woksap̄e iniyuċaƞp̄i haƞt̄aƞṡ Wak̇aƞṫaƞk̄a ċek̄iyap̄o. Waableza onic̄iyap̄i kte, ċiƞ Wak̇aƞṫaƞk̄a wauƞṡila yelo.

Ephesians 3:3

Taku eya wak̇aƞ ċa Wak̇aƞṫaƞka waƞyaƞgmakiye ki hena wowapi ki le ċistiyela eṡʹa uƞ waƞyaƞgniċiyapi kte.

2 Peter 3:2

Wak̇aƞṫaƞka ṫawahoṡiye ki tuku eya kaketu kta keyapi waƞ hena eċel eċetu. Wak̇aƞ wahoṡiye ki taku eya ehaƞni uƞspeniċiyapi kʹuƞ hena eyaktuƞjapi kte ṡni. Nahaƞ wahoṡiye ki Iṫaƞċaƞ uƞkiṫawapi na Wanikiya oiye kiċ'uƞya iwaho uƞyaƞpi waƞ hena uƞkiksuyapi kte.