2 Peter 2:3 - Lakota Portions

³ Iṡiwaċiƞpi na ċoyaiya wayupikapi ki uƞ oyate ki wiċagnayaƞpi kte. Eyaṡ Wak̇aƞṫaƞka ehaƞni hena tokel wiċakaṡtakiƞ kte ki he ogna egle, na Wak̇aƞṫaƞka igluwinyeyauƞ.

2 Peter 2:3 Referans Kwoze

1 Thessalonians 2:5

Na oyate ki wiċauƞyaitepi ṡni. Taku waƞ eċuƞuƞkʹuƞpi ki he wiṡi uƞ ṡni, naƞiƞṡ naḣmaya waeċuƞkʹuƞpi ṡni ki he Wak̇aƞṫaƞka slolye.

Jude 1:15

na tuwe ki iyuha wiċayasupi kte. Oyate eya takuƞni oholapi ṡni na ṡiċaya waeċuƞpi kʹuƞ hena iyuha wiċayasupi kte. Tuwe eya waḣtanipi sʹa na Wak̇aƞṫaƞka oholapi ṡniya waekiyapi kʹuƞ hena k̇'o.

Titus 1:11

Eyaṡ leċel iċiḣmiya wiyukc̄aƞpi ki hena wiċayuinilapi kte. Mazaska ec̄ela ċiƞpi uƞ tiwahe alataya owiċayujujupi, le heċetu ṡni.

1 Timothy 6:5

Ṡikṡiċaya ahoyekiċiyapi, ṫawaċiƞ iċetupi ṡni sʹe wiyukcaƞpi uƞ wowiċake ki waƞyaƞkapi okihipi ṡni. Lena oyate kihaƞ woċekiye ki he uƞ igluwijc̄api kta keċiƞpi.

2 Peter 2:9

Wak̇aƞṫaƞka ṫaoyate ki woteḣi ohaƞ uƞpi hetaƞhaƞ leċel niwiċakiye ki he wiċakipazo, na oyate eya wowaḣtani waṡtelakapi ki hena tokel wiċakaṡtake ki he nakuƞ waƞyaƞkapi, na wiċayasupi ṡni hehaƞyaƞ leċel akiṗe uƞpi kte.

2 Peter 2:1

Ehaƞni watohaƞlya Wahoṡiyakuƞzapi eya Israel oyate ki wowiċakiyapi. Wauƞspekiyakuƞzapi ki hena nakuƞ naḣma ahi na uƞṫuƞniyaƞpi kta uƞ owak̇aƞk̇aƞ woglakapi kte. Eyaṡ wauƞspewiċakiyapi ki lena Iṫaƞċaƞ ihaƞkiya uƞṡiwiċala kʹuƞ he ektuƞjapi, na he kiċiċapi ṡni, na hena yulena sʹe ihaƞgiċ'iyapi kte.

2 Peter 1:16

*Iṫaƞċaƞ Jesus Christ ṫawowaṡʹake ki ena tohaƞl ake gli kte ki he, uƞkoniċiyakapi ki he ikc̄ekc̄eya wowayake heċa ṡni. Eyaṡ uƞkiṡtapi uƞ ṫawowaṡʹake ki wauƞyaƞkapi.

1 Peter 5:2

*Ṫaḣc̄aṡuƞkala awaƞwiċaglakapi ki he iyeċel, Wak̇aƞṫaƞka ṫaoyate ki hena awaƞwiċalakiƞ kta ċa nikaḣnġe, heċanuƞ kta heċa ṡni tk̇a, e ċaƞtekiċ'uƞya wowaṡi eċanuƞ kte. Na maza eċela uƞ wowaṡi eċanuƞ kte ṡni.

Titus 1:7

Ok̇olakiċiye wak̇aƞ oiṫaċaƞpi hena Wak̇aƞṫaƞka ṫawowaṡi heċapi, heuƞ taƞyaƞ igluhapi kte na ċaje igluṡic̄api kte ṡni. Oiṫaċaƞċaƞpi kte ṡni naiƞṡ oċaƞzek̇okelapi kte ṡni. Nakuƞ itomniicʹiyapi kte ṡni naiƞṡ iṡiƞkc̄iƞ waokuwapi kte ṡni naiƞṡ mazaska ec̄ela awaċiƞpi kte ṡni.

Jude 1:11

Hena waƞna woṡiċeḣc̄i ki he el iyayeiċ'iyapi. Cain tokel waeċuƞ ki he iƞṡʹeya iyeċel eċuƞpi na Balaam nakuƞ mazaska iyotaƞla na taku heċetu ṡni ki he kaḣniġe. Hena Korah Wak̇aƞṫaƞka kipajiƞpi ki he iyeċel iƞṡʹeya eċuƞpi. Na hena uƞ, lena iyuha wiċayutakunipi kte ṡni.

Jude 1:7

Oṫuƞwaƞhe eya Sodom ena Gomorrah eya aċaṡṫuƞpi ki hena ena nakuƞ oṫuƞwaƞhe eya ohomni yaƞke ki hena el oyate uƞpi hena wiċakiksuyapo. Taku iṫuƞṗeya ṡikṡil waeċuƞpi na waiċiḣaḣapi hena eċuƞpi. Hena Wak̇aƞṫaƞka woiwaƞyaƞke wiċakaġe na ṗeta waƞ oihaƞke wanil ile ki he uƞ iyoṗewiċaye.

Jude 1:4

Wiċaṡa eya takuƞni wiċalapi ṡni na waoholapi ṡni ċa, naḣma opiiċ'iyapi na uƞkʹuƞpi ohaƞ ahiyu na heyapi, "Wak̇aƞṫaƞka uƞṡiuƞlapi uƞ takuƞni ṡiċa uƞkaiyukc̄aƞpi kte ṡni, ċa waiċiḣaḣaya opiuƞkiċ'iyapi kʹeyaṡ itok̇a kte ṡni," eyapi. Jesus Christ Iṫaƞċaƞ uƞyaƞpi na ohouƞlapi ki he heċetu lapi ṡni. Eyaṡ ehaƞni Wowapi Wak̇aƞ el oyate eya leċel ṡilya opiiċ'iyapi ki hena aiyeċel wiċayasupi kte ki he iwahouƞyapi.

1 Peter 2:8

Woṫaƞiƞ Waste ki anaġoptaƞpi ṡni ki uƞ iƞyaƞ ki le ikaṡepi na hiƞḣpayapi, Wak̇aƞṫaƞka heċetu kta ċa eċel wiċakiċiyuṡtan.

1 Timothy 3:8

Owaċekiye tipi waokiyapi ki hena yutaƞyaƞkel opiicʹiya uƞpi kte. Owak̇aƞk̇aƞpi kte ṡni, mniṡa yatkaƞ isamicʹiyapi kte ṡni, nakuƞ mazaska iṡic̄awaċiƞpi kte ṡni.

1 Timothy 3:3

Mniṡa yatkaƞpi isamicʹiyapi kte ṡni naiƞṡ woiṡilkaġapi kte ṡni. Tuk̇a wowauƞṡilapi na waṡteċakapi, na mazaska ki he eċelayapi kte ṡni.

1 Thessalonians 5:3

Oyate ki taƞyaƞ uƞ iyukċaƞpi eyaṡ ognahelaka kahiƞl iyewiċayapi kte, wiƞyan waƞji hokṡiyuha kta uƞ teḣi waƞyaƞke ki he iyeċel ognahelawiċayapi kte. Na he hetaƞhaƞ kpaptapi okihipi kte ṡni.

Luke 22:47

Woglake ki eċuƞhaƞ, wiċota ahihuƞni. Ak̄e nupa ki waƞji, Judas ec̄iyapi ki eċa awiċahi. Kiyela ihuƞni hehaƞ Jesus ṫaṗuƞ el ipuṫake.

Luke 20:20

Kiyela awaƞyaƞkapi na huƞḣ oiye ic̄u kuƞzapi kta ċa kaisakib opiicʹiyewiċakiyapi. Na Jesus waeye ki ogluṡic̄iƞ kta waktapi. Oyuspapi na Rome oiṫaċaƞḣc̄a ki ekta ayapi kta awaċiƞpi.

Luke 18:8

Oḣʹaƞk̇oya wookiye wiċakʹu ktelo. Mak̇a akaƞ wahi ki tuwa wic̄amala kta hwo?” eya iwiċayuƞġe.

Jude 1:16

Oyate ki lena oiyahaƞpi na taku iyuha el iglepi na tokċiƞyaƞ igluhapi. Taku ċiƞpi uƞ iglaonihaƞpi na oyate ki wiċayuonihaƞ kuƞzaƞpi.