2 Peter 2:2 - Lakota Portions

² Oyate ota oye waṡte ki hetaƞ wiċayahomnipi kte na iye ṫaoye ṡiċe ki ogna iyayewiċayapi kte, na oye waṡte ki he aowiċawak̇aƞk̇aƞpi na iwiċaglepi kte.

2 Peter 2:2 Referans Kwoze

Jude 1:10

Eyaṡ oyate ki lena taku okaḣniġapi ṡni hena iyuha oṡteglapi. Witkoya wiyukc̄aƞpi uƞ ihaƞgiċ'iyapi, iċiƞ taku waƞyaƞkapi okihipi ki hena uƞ eċela nipi.

Jude 1:15

na tuwe ki iyuha wiċayasupi kte. Oyate eya takuƞni oholapi ṡni na ṡiċaya waeċuƞpi kʹuƞ hena iyuha wiċayasupi kte. Tuwe eya waḣtanipi sʹa na Wak̇aƞṫaƞka oholapi ṡniya waekiyapi kʹuƞ hena k̇'o.

2 Peter 2:15

* Ċaƞku waƞ owoṫaƞla ki hetaƞ iḣayab iyayapi na oye waƞ waṡte ṡni ċa ogna iyayapi, wahoṡiye waƞ Balaam eċiyapi ċa he iyaċiƞya k̇api. He Beor ċiƞċa na taku iċiḣmiya iċu ki hena iyokipi.

1 Peter 2:12

Wowicala yuhapi ṡni eya ohaƞ yauƞpi ċa waktaya uƞpo. Takuƞl ṡic̄a iyaniuƞpapi eyaṡ igluonihaƞ yauƞ ki waƞniyaƞkapi na tohaƞl Wak̇aƞṫaƞka oyate ki wiċayasu kta u ki, taku waṡte eċanuƞ ki hena wanyaƞkapi na Wak̇aƞṫaƞka yuonihaƞpi ktelo.

Titus 2:8

Woiye eya uƞ wauƞspewiċayakiye ki hena taƞyaƞ yaglaḣniġiƞ kte, heċel tuweni woiye niṫawa ki hena yaṡic̄a okihi kte ṡni. Leċanu kihaƞ etaƞ el iniglepi hena iṡtelicʹiyapi kte.

2 Peter 2:21

Eyeṡ taku heċetu kʹuƞ he naḣ'uƞpi ṡni ki taƞyaƞ uƞpi tk̇a. Taku heċetu ki he slolyapi eyaṡ woahoṗe wak̇aƞ eya wiċakʹupi waƞ hetaƞ iḣayab iyayapi.

Titus 2:5

Wik̇oṡkalaka ki hena iyohila ksapapi na wauƞṡilapi kte, nakuƞ taƞyaƞ tiognaka kiċuwapi kte, na hiƞgnaku ṫokahewiċakiyapi kte. Heċetu kihaƞ tuweni takuni Wak̇aƞṫaƞka ṫaoiye ki yaṡic̄api okihipi kte ṡni.

1 Timothy 5:14

Tokel ibluċaƞ ki he wiwaziċa eya nahaƞḣci ṫeċapi ki hena iyeṡ ake hiƞgnaṫuƞpi ki waṡte kte, na wak̇aƞyeja wiċayuhapi kte, na tiwahe awaƞwiċaglakapi kte. Heċel etan ṡilya uƞkawiyukcaƞpi kʹuƞ hena heċuƞpi okihipi kte ṡni.

Mark 13:22

Wiċaṡa-wak̇aƞ-waayaṫaƞiƞ na Wanikiya heċapi keya aṫaƞicʹiyapi kte. Hena nakuƞ waasniyaƞpi kte ki heuƞ wiċagnayaƞpi kte, okihi pic̄a ki, Wak̇anṫaƞka oyate waṡte ki hena k̇o wiċagnayapi kte.

Mark 12:14

Jesus el hipi na leyapi, "Waunspekiya, waehe ki heċetu ċa sloluƞyapi. Jesus ṫaoyate ki akilehaƞ wiċayuonihaƞ."

2 Peter 2:12

Oyate ki lena wamak̇aṡkaƞ kʹeya iyeċiƞkawaawaċiƞpi kʹuƞ heċel unpi, na oyate ki niwiċayapi kta uƞ nipi. Taku slolyapi ṡni kʹeyaṡ yaṡiċapi. Eyaṡ taku ṡiċa eċuƞpi ki hena un ihaƞgiċ'iyapi kte.

2 Peter 2:7

*Lot wiċaṡa ki he owoṫaƞla uƞ na oyate ki awaiċ'iḣtanipi ki he inaġiyeya uƞ. Wiċaṡa ki he waṡte, na anpetu iyohila taku ṡiċe ki hena waƞyaƞkiƞ na naḣ'uƞ kʹun uƞ yuċaƞteṡiċe. Ca heuƞ Wak̇aƞṫaƞka nikiye.

2 Peter 2:18

Waƞkʹeya waeċuƞpi ki he hoṫaƞgya oglakapi. Na ṡikṡil waeċuƞpi na wauƞṡilapi ṡni, na oyate eya iċiḣmeya uƞpi waƞ hetaƞ naiċ'iṡpapi waƞhena wiċagnayapi.

Jude 1:4

Wiċaṡa eya takuƞni wiċalapi ṡni na waoholapi ṡni ċa, naḣma opiiċ'iyapi na uƞkʹuƞpi ohaƞ ahiyu na heyapi, "Wak̇aƞṫaƞka uƞṡiuƞlapi uƞ takuƞni ṡiċa uƞkaiyukc̄aƞpi kte ṡni, ċa waiċiḣaḣaya opiuƞkiċ'iyapi kʹeyaṡ itok̇a kte ṡni," eyapi. Jesus Christ Iṫaƞċaƞ uƞyaƞpi na ohouƞlapi ki he heċetu lapi ṡni. Eyaṡ ehaƞni Wowapi Wak̇aƞ el oyate eya leċel ṡilya opiiċ'iyapi ki hena aiyeċel wiċayasupi kte ki he iwahouƞyapi.

Jude 1:7

Oṫuƞwaƞhe eya Sodom ena Gomorrah eya aċaṡṫuƞpi ki hena ena nakuƞ oṫuƞwaƞhe eya ohomni yaƞke ki hena el oyate uƞpi hena wiċakiksuyapo. Taku iṫuƞṗeya ṡikṡil waeċuƞpi na waiċiḣaḣapi hena eċuƞpi. Hena Wak̇aƞṫaƞka woiwaƞyaƞke wiċakaġe na ṗeta waƞ oihaƞke wanil ile ki he uƞ iyoṗewiċaye.