2 Peter 2:13 - Lakota Portions

¹³ Taku ṡiċa eċuƞpi ki hena uƞ wiċakiċiċajujupi kte. Aƞpa eċuƞhaƞ gnaṡkiƞyaƞ sʹe kiċiċopi na iċiḣmaya waeċuƞpi ki he oiyokipi keċiƞpi. Wiċowiċaṡaṡniya opiiċ'iyapi, waiḣpeyapi woeċuƞ ki he el niohaƞ uƞpi, woiṡteċe ṡniya uƞpi ki hena woyuonihaƞ uƞ wiċawote ki he yaṡiċapi.

2 Peter 2:13 Referans Kwoze

1 Peter 4:4

Hena eċa waƞna takuwe owiċayaṗa ṡni ki iyukc̄aƞpi na oiniḣapi.

Philippians 3:19

hena tuktel wiċotakuƞni ṡni waƞ yaƞka ċa ekta yapi. Iyeawaiċ'iyukc̄aƞpi na taku imnaiċ'iyapi kte ki hena eċela olepi. Mak̇a el wotakuƞni ṡni ki hena eċela awaiyukc̄aƞ uƞpi.

Ephesians 5:27

Taku uƞ leċuƞ ki he ok̇olakiċiye wak̇aƞ ki he Christ iye ċa iċ'iċe, heċel taku ki iyuha wak̇aƞya iyaƞkiƞ kte.

2 Peter 2:15

* Ċaƞku waƞ owoṫaƞla ki hetaƞ iḣayab iyayapi na oye waƞ waṡte ṡni ċa ogna iyayapi, wahoṡiye waƞ Balaam eċiyapi ċa he iyaċiƞya k̇api. He Beor ċiƞċa na taku iċiḣmiya iċu ki hena iyokipi.

2 Timothy 4:14

Alexander eċiyapi ki he maza uƞ wakaġapi wiċaṡa heċa, na he lila ṡiċaya omakuwa. Eyaṡ tokel omakuwa ki he tukṡa Wak̇aƞṫaƞka iye el etuƞwiƞkte.

James 5:5

Mak̇a wiċoni ki le eċeyela awaƞniċ'iċiƞpi, ptebleṡka ċa wiċaktepi ṡni haƞni ċebwiċayapi iyeċel ċebniċ'iyapi. wipi niċ'iyapi na oiyokipi luhapi kta hena eċela awaċiƞ yauƞpi.